الەم ەلدەرىندە وقۋشىلاردىڭ جازعى دەمالىسى قالاي وتەدى؟
ەندى بىرنەشە كۇننەن كەيىن ميلليونداعان وقۋشى جازعى دەمالىسقا شىعادى. ءبىراق بۇل تىنىعۋدىڭ ۇزاقتىعى مەن فورماتى الەم بويىنشا ءارتۇرلى، دەپ حابارلايدى 24kz.
وقۋ دەمالىسى كەزىندەگى بوس ۋاقىت قالاي ۇيىمداستىرىلادى؟
يتاليادا جازعى دەمالىس 13 اپتاعا سوزىلادى يتاليا مەن فرانتسيا ءبىزدىڭ ەلدەگى سياقتى 3-ايداي دەمالادى. بۇل اپتاپ ىستىقپەن بايلانىستى. سونداي-اق ساباق پەن تىنىعۋ اراسىندا تەپە- تەڭدىك بولۋ كەرەك دەگەن قاعيدا بار. دەسە دە، ەۋروپاداعى ەڭ ۇزاق دەمالىس يتاليادا. ونداعى وقۋشىلار 13 اپتا مەكتەپكە بارمايدى. ياعني، دەمالىس ماۋسىمنىڭ ورتاسىنان قىركۇيەكتىڭ 15 ىنە دەيىن جالعاسادى. 3 اي ىشىندە بالالار ارنايى كلۋبتارعا جازىلىپ، تەگىن شەبەرلىك ساباقتارى مەن ۇيىرمەلەرگە قاتىسادى. كارى قۇرلىقتا شەتەلدىك ءتىل كۋرستارى دا تانىمال. ال سكاندينۆيادا تابيعات اياسىنداعى دەمالىسقا باسىمدىق بەرىلەدى.
ەڭ قىسقا وقۋ دەمالىسى ازيادا
ازيا ەلدەرىندەگى جاعداي مۇلدە باسقاشا. جاپونيا، قىتاي مەن وڭتۇستىك كورەيادا جازعى دەمالىس قىسقا - 4 اپتادان 6 اپتاعا دەيىن عانا. بالالار ۋاقىتىن دالادا ەمەس، كوبىنە پارتادا وتىرىپ وتكىزەدى. ويتكەنى بۇل ەلدەردە ءبىلىم بويىنشا باسەكە وتە جوعارى جانە اكادەميالىق تالاپتار تىم قاتال. سوندىقتان بالالار جازدا دا ءبىلىم الادى، وزىق بولۋعا بارىن سالادى.
ا ق ش-تا وقۋ دەمالىسىنىڭ ۇزاقتىعى شتاتقا بايلانىستى
ا ق ش-تا وقۋ دەمالىسىنىڭ ۇزاقتىعى شتاتقا بايلانىستى. ءار ايماق ءوز ەرەجەسىن بەكىتە الادى. ورتاشا العاندا امەريكالىق وقۋشىلاردىڭ جازعى دەمالىسى 2 ايدان اسادى. نەگىزى وقۋ جىلى تامىزدا باستالىپ كەتەدى. جالپى بۇل ەلدە دامىتۋشى لاگەرلەردە STEM، باعدارلامالاۋ، سپورت، ونەر جانە كاسىپتىك بىلىمگە باسىمدىق بەرىلەدى.
باستاۋىش سىنىپ وقۋشىلارىن جاز بويى قىدىرتۋ ءۇردىسى قالىپتاسقان. ال جاسوسپىرىمدەر اقشا تاپقاندى قۇپ كورەدى.
24.kz
