الەم ەلدەرىندە نەسيە قانشا پايىزبەن بەرىلەدى؟

استانا. KAZINFORM - بۇگىندە بانكتەن ءوسىم اقىمەن نەسيە الۋ - ۇيرەنشىكتى قۇبىلىس. ءتىپتى الپاۋىت امەريكانىڭ وزىندە حالىق نەسيەگە ءومىر سۇرۋگە ابدەن ۇيرەنىپ العان. ارگەنتينادا دا ءدال سولاي. ەل اراسىندا بانكتەن قارىز الۋ قارقىنى ۇدەپ كەتكەن.

ءبىراق كوبى قارىزىن قايتارا الماي قينالادى. وعان ەڭ الدىمەن ينفلياتسيا سەبەپ. ا ق ش- تا نەسيە باستى ماسەلەنىڭ بىرىنە اينالعالى قاشان. الپاۋىت مەملەكەت نەسيە كارتالارى بويىنشا بەرەشەگى وتە كوپ ەلدىڭ ءبىرى سانالادى. اسىرەسە 18 بەن 29 جاس ارالىعىنداعى ازاماتتار اراسىندا قارىز الۋشىلار كوپ. جۇرت نەسيەنى جارىسا العانىمەن، مەرزىمىندە قايتارمايتىن كورىنەدى. نيۋ- يورك فەدەرالدى رەزەرۆتىك بانكىنىڭ سوڭعى ەسەبىنە سايكەس بۇگىندە تۇرعىنداردىڭ بەرەشەگى 1,12 تريلليون دوللاردان اسادى.

ساراپشىلاردىڭ ايتۋىنشا، مۇنداي جاعدايعا جالاقىنىڭ ازدىعى مەن كۇنكورىستىڭ قىمباتشىلىعى تۇرتكى. ارگەنتينادا وسىعان ۇقساس جاعداي. كوممەرتسيالىق بانكتەر ۇسىنعان جىلدىق پايىزدىق مولشەرلەمە ورتاشا ەسەپپەن %26-28- ءتى قۇرايدى. ال ەلدەگى ينفلياتسيا دەڭگەيى بولسا شارىقتاپ تۇر. شىلدە ايىندا ول %263- ءتى قۇرادى. سوندىقتان تۇرعىندار بانكتەن قارىز العانىمەن، كەيىن ونى قايتارۋ كەزىندە كادىمگىدەي قينالادى. نەسيەگە پاتەر ساتىپ الماق بىلاي تۇرسىن، ونى جالعا الۋدىڭ ءوزى قالتاعا سالماق تۇسىرەدى.

ۇلكەن يپوتەكالىق نەسيەنى ۇلكەن مولشەرلەمەمەن بەرەتىن تاعى ءبىر ەل - ۆەنەسۋەلا. بۇل مەملەكەتتىڭ ازاماتتارى ونى %20-22- پەن راسىمدەيدى. دەمەك نەسيەنى 10 جىلعا الار بولسا، %150- كە ارتىق تولەم جاسايدى. مولشەرلەمەنىڭ مۇنداي بولۋىنا ۆەنەسۋەلانىڭ ەكونوميكالىق تۇراقسىزدىعى سەبەپ.

جالپى نەسيەنىڭ جىلدىق مولشەرلەمەسى ەڭ تومەن ەلدەر تىزىمىنە كەلسەك، ولاردىڭ دەنى - دامىعان مەملەكەتتەر. اتاپ ايتساق، ەۋروپالىق ورتالىق بانكتىڭ نەگىزگى مولشەرلەمەسىنىڭ دەڭگەيى %3- تەن ءسال جوعارى. سايكەسىنشە تۇتىنۋشىلىق ءھام يپوتەكالىق نەسيەنىڭ پايىزى دا از. ماسەلەن، فينليانديادا تۇرعىن ءۇي نەسيەسىنىڭ جىلدىق پايىزى 1,5 شاماسىندا. ناتيجەسىندە ازاماتتار 50 جىل ىشىندە يپوتەكا بويىنشا قارىزىن %28- كە عانا ارتىق تولەيدى.

24.kz