الەم ەلدەرىندە اۋىر جۇك كولىكتەرىنە قانداي شەكتەۋلەر ەنگىزىلگەن؟
استانا. قازاقپارات – ا ق ش- تا جولداردىڭ شامامەن %40- ىنە جوندەۋ جۇمىستارى قاجەت. ولاردىڭ جارامدىلىق مەرزىمى اسىپ كەتكەن. باسىم بولىگىندە شۇڭقىرلار مەن سىزاتتار كوپ. اۋىر جۇك كولىكتەرىنىڭ ءجيى قاتىناۋى جول ساپاسىنا كەرى اسەر ەتىپ وتىر.
شەتەلدىڭ جولدارى قالاي؟
امەريكا قۇراما شتاتتارىندا اۆتوكولىك جولدارىنىڭ شامامەن جارتىسىنا جۋىعى توزعان. ال كەي ايماقتاردا مۇلدەم جول جوق دەۋگە دە بولادى. جول ساپاسىنىڭ ناشارلىعىنان امەريكالىقتار جىل سايىن ورتاشا ەسەپپەن 1500 دوللار، ياعني، شامامەن 750 مىڭ تەڭگە كولىك جوندەۋ مەن باسقا دا شىعىندارعا جۇمسايدى. سوڭعى ءتورت جىلدا جول ينفراقۇرىلىمىن جاڭارتۋعا 590 ميلليارد دوللار بولىنگەنىمەن، ماماندار بۇنى جەتكىلىكسىز دەپ ەسەپتەيدى. الداعى ونجىلدىقتا جاعدايدى تۇراقتاندىرۋ ءۇشىن قوسىمشا 684 ميلليارد دوللار قاجەت كورىنەدى.
فرانسيادا جۇك كولىكتەرى جاسىرىن داتچيكتەر ارقىلى باقىلانادى
فرانسيادا اۋىر جۇك كولىكتەرىنىڭ سالماعى جول توسەمىنە جاسىرىن ورناتىلعان داتچيكتەر ارقىلى باقىلانادى. قۇرىلعى ءجۇرىپ كەلە جاتقان جۇك كولىگىنىڭ سالماعىن ولشەپ، ءنومىرىن اۆتوماتتى تۇردە كامەرا ارقىلى تىركەيدى. ەگەر كولىكتىڭ سالماعى رۇقسات ەتىلگەن مولشەردەن %5- كە ارتقان جاعدايدا جۇرگىزۋشىگە 1500 ەۋروعا دەيىن ايىپپۇل سالىنادى. ال ارتىق سالماق %20- تەن اسىپ كەتسە، ءىس سوتقا دەيىن بارادى. بۇل جاعدايدا تەك جۇرگىزۋشى عانا ەمەس، سونداي-اق جۇك جىبەرۋشى مەن قابىلداۋشى تاراپ تا جاۋاپكەرشىلىككە تارتىلادى.
رەسەيدە جۇك تالاپتارىنا ساي جولاۋشىلاردىڭ سالماعىنا شەكتەۋ قويىلادى
رەسەيدە جولاۋشىلار مەن تۋريستىك اۆتوبۋستار اۋىر جانە ءىرى كولىكتەرگە ارنالعان ەرەجەگە ساي جۇرەدى. وعان سايكەس، قوس قاباتتى اۆتوبۋستىڭ جالپى سالماعى 18 توننادان ارتىق بولماۋى كەرەك. ورتا ەسەپپەن ءاربىر جولاۋشىنىڭ سالماعى 58 كەلىدەن اسپاۋى ءتيىس. ەگەر سالماق مولشەرى شەكتەن جوعارى بولسا، جاۋاپتى ۇيىمدارعا ءىرى كولەمدە ايىپپۇل سالىنادى. ايىپپۇل مولشەرى ءار ايماقتىڭ ىشكى تارتىبىنە ساي انىقتالادى.
24.kz
