«الەم ارۋىندا» قازاقستان اتىنان كىم شىعادى

استانا. قازاقپارات - «ميسس قازاقستان - 2023» اتانعان سابينا ىدىرىسوۆا «الەم ارۋى» بايقاۋىندا ەل نامىسىن قورعايدى، دەپ حابارلايدى Ulysmedia.kz.

Nur.kz حابارلاۋىنشا، «ميسس قازاقستان - 2023» اتانعان سابينا يدريسوۆا بيىل وتەتىن «الەم ارۋى - 2025» حالىقارالىق سۇلۋلىق بايقاۋىنا دايىندىق بارىسىن بايان ەتكەن. ول قازاقستاننىڭ تۇكپىر- تۇكپىرىندە تۇسىرىلىمدەرگە قاتىسىپ، شىعارماشىلىق ءنومىر ازىرلەگەن. سونىمەن قاتار، اعىلشىن ءتىلى، ۆيزاج جانە دەفيلە باعىتىندا ءبىلىمىن جەتىلدىرگەن.

كاسىبي بالەت ءارتىسى بولعان سابينا قازاق، ورىس جانە اعىلشىن ءتىلىن ەركىن مەڭگەرگەن. قازىر ول سپورتپەن بەلسەندى اينالىسىپ، مودەلدەگى مانسابىن جاساپ كەلەدى.

الەمدىك بايقاۋعا ارناپ ەكسكليۋزيۆتى ۇلتتىق كيىم تىگىلگەن.

بۇل - جاي عانا كيىم ەمەس، جارىق، ورنەك پەن ءپىشىن ارقىلى ايتىلاتىن تاريح. ول وتكەن مەن بۇگىنگىنى توعىستىرىپ، قازاق مادەنيەتىنىڭ سۇلۋلىعىن دارىپتەيدى، - دەيدى سابينا.

ول ەل نامىسىن قورعاۋ - ۇلكەن جاۋاپكەرشىلىك پەن زور ماقتانىش ەكەنىن اتاپ وتەدى:

مەن ءۇشىن بۇل - بايقاۋ عانا ەمەس، قازاقستاننىڭ مادەنيەتى، سۇلۋلىعى مەن رۋحىنىڭ ەلشىسى بولۋ اسا ماڭىزدى».

بيىل الەمنىڭ سۇلۋلىق بايقاۋىنا شامامەن 120 قاتىسۋشى جينالادى. اشىلۋ ءراسىمى -11 مامىرعا، ال گراند- فينال 31 -مامىرعا جوسپارلانعان.