الەكساندر لۋكاشەنكو استاناعا ش ى ۇ سامميتىنە قاتىسۋ ءۇشىن كەلدى
استانا. KAZINFORM - بەلارۋس پرەزيدەنتى الەكساندر لۋكاشەنكو شاڭحاي ىنتىماقتاستىق ۇيىمىنىڭ سامميتىنە قاتىسۋ ءۇشىن استاناعا كەلدى.
سامميت اياسىندا الەكساندر لۋكاشەنكو شەتەلدىك ارىپتەستەرىمەن ءبىرقاتار كەزدەسۋلەر مەن كەلىسسوزدەر وتكىزەدى دەپ كۇتىلۋدە.
الداعى سامميتتە بەلارۋس ءۇشىن باستى ماسەلە - ەلدى ش ى ۇ- عا مۇشەلىككە قابىلداۋ ءراسىمىن اياقتاۋ. الەكساندر لۋكاشەنكو سامميتتە سويلەيتىن سوزىندە ۇيىم جۇمىسىنداعى ەڭ ماڭىزدى سالالارعا جانە بەلارۋستىڭ ورتاق ماسەلەلەردى شەشۋگە قوسقان ۇلەسىنە توقتالادى دەپ جوسپارلانۋدا.
بەلارۋس ش ى ۇ- عا 2010-جىلدان باستاپ ديالوگ بويىنشا سەرىكتەس، 2015-جىلدان باستاپ باقىلاۋشى رەتىندە قاتىسىپ كەلەدى. سامارقاندتا 2022-جىلعى 16-قىركۇيەكتەگى مەملەكەت باسشىلارى كەڭەسىنىڭ قورىتىندىسى بويىنشا ۇيىمعا كىرۋ ءراسىمىن باستاۋ تۋرالى شەشىمگە قول قويىلدى. وسى پروتسەستىڭ اياسىندا بەلارۋس 40 تان استام شارتقا قوسىلدى.
ايتا كەتەيىك، ش ى ۇ استانا سامميتى قارساڭىندا الەكساندر لۋكاشەنكو اگەنتتىك تىلشىسىنە ەكسكليۋزيۆتى سۇحبات بەرگەن بولاتىن.
