الداعى كۇندەرى قاتتى داۋىل سوعادى

سينوپتيكتەر 21-23- قاراشاعا ارنالعان اۋا رايى بولجامىن ۇسىندى.

الداعى ءۇش تاۋلىكتە جاڭبىر مەن قار ارالاس جاۋىن-شاشىن جاۋادى. سونىڭ ىشىندە 22- قاراشادا باتىستا، سولتۇستىك-باتىستا، 22-23 قاراشادا وڭتۇستىكتە، وڭتۇستىك-شىعىستا قار ارالاس جاڭبىر جاۋادى.

«رەسپۋبليكا بويىنشا ەكپىنى سەكۋندىنا 15-28 مەتر بولاتىن جەل سوعادى، سولتۇستىك جارتىسىندا قارلى بوران، كوكتايعاق بولادى دەپ كۇتىلىپ وتىر. كەزەڭنىڭ سوڭىنا قاراي ەلىمىزدىڭ باتىسىندا اۋا تەمپەراتۋراسى 2-12 گرادۋس ايازعا دەيىن تومەندەيدى. رەسپۋبليكانىڭ شىعىسىندا تۇندە تەمپەراتۋرا 8-13 گرادۋس ايازدان 0-5 گرادۋس جىلىعا دەيىن كوتەرىلەدى»، - دەلىنگەن حابارلامادا.

قازاقستاننىڭ قالعان اۋماعىندا اۋا تەمپەراتۋراسىندا ايتارلىقتاي وزگەرىستەر بولمايدى.