الداعى كۇندەرى اۋا رايى قانداي بولادى؟

استانا. KAZINFORM - قازگيدرومەت 17، 18، 19-ساۋىرگە ارنالعان اۋا رايى بولجامىن جاريالادى.

رەسپۋبليكانىڭ باسىم بولىگىندە جاۋىن-شاشىن جاۋادى، ال 17-ساۋىردە ەلدىڭ شىعىسىندا قاتتى جاۋىن-شاشىن جاۋادى.

قازاقستاننىڭ سولتۇستىگىندە، ورتالىعىندا جانە شىعىسىندا تۇندە 1-6 گرادۋسقا دەيىن، كۇندىز 1-8 گرادۋسقا دەيىن اۋا تەمپەراتۋراسى تومەندەيدى، ەلدىڭ وڭتۇستىگىندەگى تاۋلى جانە تاۋ بوكتەرىندەگى اۋدانداردا تۇندە قار مەن جاڭبىر تۇرىندە جاۋىن- شاشىن جاۋادى، كۇندىز دە جاڭبىر جاۋادى، تۇندە 3 گرادۋسقا دەيىن اياز بولادى.

تەك قازاقستاننىڭ باتىسىندا اۋا رايى نەگىزىنەن جاۋىن-شاشىنسىز بولادى جانە اۋا تەمپەراتۋراسى كۇندىز 17-22 دەن 23-28 گرادۋسقا دەيىن بىرتىندەپ كوتەرىلەدى.

قازاقستان بويىنشا ەكپىنى 15-20 م/س دەيىن جەل كۇشەيەدى، تۇنگى جانە تاڭەرتەڭگى ۋاقىتتا تۇمان تۇسەدى.