الداعى كۇندەرى اۋا رايى قانداي بولادى

استانا. KAZINFORM - ەلدىڭ سولتۇستىگىندە تەمپەراتۋرا تومەندەيدى.

الداعى ءۇش تاۋلىكتە ورال تاۋلارى ماڭىنان جىلجىپ كەلە جاتقان تسيكلون قازاقستان اۋماعى ارقىلى ءوتىپ، ونىڭ اسەرىنەن جاۋىن-شاشىن جاۋىپ، كوكتايعاق بولىپ، جەل كۇشەيىپ. بوران سوعادى.

الايدا 18-اقپاننان باستاپ تسيكلوننىڭ تىلىنا حەلسينكي ماڭىنان جىلجىپ كەلە جاتقان انتيتسيكلون تاراي باستايدى، بۇل ەلىمىزدىڭ سولتۇستىگىندە اۋا تەمپەراتۋراسىنىڭ تومەندەۋىنە جانە جاۋىن-شاشىننىڭ بىرتىندەپ توقتاۋىنا اكەلەدى.

رەسپۋبليكانىڭ سولتۇستىگىندە تۇنگى ۋاقىتتا اۋا تەمپەراتۋراسى 18-23 گرادۋس ايازعا دەيىن تومەندەيدى، ال وڭتۇستىك وڭىرلەردە، كەرىسىنشە، كۇندىز اۋا تەمپەراتۋراسى 15-20 گرادۋس جىلىعا دەيىن كوتەرىلەدى. بۇل قارا تەڭىز ماڭىنان جىلجىپ كەلە جاتقان كەزەكتى تسيكلوننىڭ اسەرىمەن بايلانىستى بولادى.

ايتا كەتەلىك ءۇش وبلىستا كولىك قوزعالىسى قايتا جاندانعانى تۋرالى جازعان ەدىك.