الداعى كۇندەرى 35 گرادۋس اياز بولادى

استانا. KAZINFORM - الداعى ءۇش تاۋلىك ىشىندە ەل اۋماعىندا اۋا رايى قۇبىلمالى بولادى.

رەسپۋبليكانىڭ باسىم بولىگىندە قار جاۋىپ، بۇرقاسىن بولادى، ال ەلىمىزدىڭ سولتۇستىك-باتىسىندا، سولتۇستىگىندە، شىعىسىندا جانە ورتالىعىندا قالىڭ قار جاۋادى.

باتىس جانە وڭتۇستىك وڭىرلەردە جاۋىن-شاشىن جاڭبىر مەن قار تۇرىندە بولجانادى، ال قازاقستاننىڭ وڭتۇستىگى مەن وڭتۇستىك-شىعىسىنىڭ تاۋلى ايماقتارىندا قار جاۋادى.

ەل اۋماعىندا تۇمان، كوكتايعاق بولىپ، سونداي-اق جەل كۇشەيەدى.

تەمپەراتۋرالىق فونعا كەلسەك، سولتۇستىك-باتىس، سولتۇستىك، شىعىس جانە ورتالىق وڭىرلەردە اۋا تەمپەراتۋراسى 0-5 گرادۋستان 18-30 گرادۋس ايازعا دەيىن كۇرت اۋىتقيدى، ال قوستاناي جانە سولتۇستىك قازاقستان وبلىستارىندا 33-35 گرادۋسقا دەيىن اياز بولادى. ەلدىڭ قالعان اۋماعىندا اۋا تەمپەراتۋراسى ايتارلىقتاي وزگەرمەيدى.

ايتا كەتەلىك 19-جەلتوقساندا رەسپۋبليكا بويىنشا قاي جولدار جابىق تۇرعانىن جازعان ەدىك.