الداعى دەمالىس كۇندەرى جاڭبىرلى بولادى - قازگيدرومەت

 استانا. KAZINFORM - الداعى كۇندەرى ەلىمىزدىڭ باسىم بولىگىندە جاۋىن- شاشىندى كۇن رايى بولجانىپ وتىر.

«قازگيدرومەت» ر م ك حابارلاۋىنشا، وڭتۇستىك تسيكلوننىڭ اسەرىنەن بارلىق ايماقتاردا دەرلىك نايزاعاي ويناپ، بۇرشاق جاۋۋى ىقتيمال.

جاۋىن-شاشىن كۇندىز اۋا تەمپەراتۋراسىنىڭ تومەندەۋىنە ىقپال ەتەدى: سولتۇستىك جانە ورتالىق وبلىستاردا 10-18 گرادۋسقا دەيىن، شىعىس جانە وڭتۇستىك وبلىستاردا 15-23 گرادۋسقا دەيىن جىلى بولسا، تەك باتىس وبلىستاردا وڭتۇستىك اعىندار ىقپالىنان اۋانىڭ تەمپەراتۋراسى 15-23 گرادۋس سەلسيگە دەيىن شامالى جوعارىلايدى.