الداعى ءۇش كۇندە اۋا رايى كۇرت سۋىتىپ، جاڭبىردىڭ سوڭى قارعا ۇلاسادى

استانا. KAZINFORM - قازگيدرومەت 30-ءساۋىر - 2-مامىر ارالىعىنا ارنالعان اۋا رايى بولجامىن جاريالادى.

رەسپۋبليكانىڭ باسىم بولىگىندە اتموسفەرالىق فرونتتاردىڭ اسەرىنەن جاۋىن-شاشىن جاۋادى.

1-2-مامىردا ەلىمىزدىڭ سولتۇستىگىندە، شىعىسىندا، وڭتۇستىك- شىعىسىندا جانە ورتالىعىندا قاتتى جاۋىن-شاشىن بولادى.

تۇنگى ۋاقىتتا جاڭبىردىڭ ارتى قارعا ۇلاسۋى ىقتيمال، نايزاعاي، ەلىمىزدىڭ وڭتۇستىك- شىعىسىندا بۇرشاق جاۋۋى مۇمكىن.

رەسپۋبليكا بويىنشا ەكپىندى جەل كۇشەيەدى، تۇندە سولتۇستىك، شىعىس وڭىرلەردە تۇمان بولادى دەپ بولجانىپ وتىر.

سكانديناۆيا ايماقتارىنان ەنگەن سالقىن انتيسيكلون ىقپالىمەن سولتۇستىك، شىعىس جانە ورتالىق ايماقتاردا اۋا تەمپەراتۋراسى تۇندە 0-5 گرادۋس جىلى، 1-6 گرادۋس ۇسىككە دەيىن، كۇندىز 5-13 گرادۋس جىلىعا دەيىن كۇرت تومەندەيدى.

سونداي-اق، سۋىق فرونت بىرتىندەپ ەلىمىزدىڭ وڭتۇستىك ايماقتارىنا قاراي جىلجيدى، وندا اۋا تەمپەراتۋراسى تۇندە 2-7 گرادۋس جىلى، 2 گرادۋس ۇسىككە دەيىن، كۇندىز 15-25 گرادۋس جىلۋعا دەيىن تومەندەيدى.