الداعى ءۇش كۇندە 44 گرادۋسقا دەيىن كۇن ىسىپ، بۇرشاق جاۋادى

استانا. KAZINFORM - «قازگيدرومەت» ر م ك 2025 -جىلعى 13-15-مامىرعا ارنالعان اۋا رايى بولجامىن جاريالادى.

- يران ايماقتارىنداعى جىلى اۋا ماسساسىنىڭ جويىلۋى قازاقستاننىڭ وڭتۇستىك جانە ورتالىق ايماقتارىندا جاۋىن-شاشىنسىز ىستىق اۋا رايىن تۋدىرادى. اۋا تەمپەراتۋراسى بىرتە-بىرتە كوتەرىلەدى، ال 15-مامىردا تەرمومەتر كۇندىز وڭتۇستىك وبلىستاردا 35-44 گرادۋس، ورتالىق اۋدانداردا 35-38 گرادۋس، ءتىپتى اقمولا وبلىسىندا 30-35 گرادۋس ىستىقتى كورسەتەدى، - دەپ حابارلايدى سينوپتيكتەر.

الايدا جازعى اۋا رايى بارلىعىنا بىردەي ۇناي بەرمەيدى: باتىس جانە شەتكى سولتۇستىك وبلىستار سيكلوننىڭ جانە ونىمەن بايلانىستى اتموسفەرالىق فرونتالدى بولىكتەردىڭ ىقپالىندا بولادى. كەيبىر ايماقتاردا نوسەر جاڭبىر، بۇرشاق جاۋۋى مۇمكىن.

بۇعان دەيىن قازاقستاننىڭ ءۇش قالاسىندا اۋا رايى قولايسىز بولاتىنى حابارلانعان بولاتىن.

بىرنەشە وڭىردە اۋا رايىنا بايلانىستى ەسكەرتۋ جاريالاندى.

اۆتور

ەركەجان سماعۇلوۆا