الداعى ءۇش كۇندە 42 گرادۋسقا دەيىن ىستىق بولادى - قازگيدرومەت

استانا. KAZINFORM - «قازگيدرومەت» ر م ك- سى شىلدەنىڭ 12-14-ارالىعىنداعى كۇن رايى بولجامىن جاريالادى.

كاسىپورىننىڭ دەرەكتەرىنە قاراعاندا، اتموسفەرالىق فرونتالدى بولىكتەردىڭ وتۋىنە بايلانىستى قازاقستان اۋماعىنىڭ باسىم بولىگىندە جاڭبىر جاۋىپ، نايزاعاي وينايدى، سولتۇستىك پەن شىعىستا نوسەر جاڭبىر جانە بۇرشاق جاۋادى، كۇشتە جەل تۇرۋى ىقتيمال. تەك ەلدىڭ وڭتۇستىگىندە، وڭتۇستىك- باتىسىندا، سونداي-اق 12 شىلدەدە باتىسىندا جوعارى قىسىم الابىنىڭ ىقپالىمەن كۇن اشىق ءارى ىستىق بولادى. رەسپۋبليكانىڭ باسىم بولىگىندە جەل كۇشەيەدى.

كۇندىز ەلىمىزدىڭ باتىسىندا 35-39 گرادۋس ىستىق، كەي اۋدانداردا ىستىق 40- 42 گرادۋسقا دەيىن جەتەدى. 12-13-شىلدەدە وڭتۇستىك-باتىستا ىستىق 39-44 گرادۋس بولادى، ال 14-شىلدەدە 38-42 گرادۋس ىستىق.

سولتۇستىك وڭىرلەردە كۇندىزگى اۋا تەمپەراتۋراسى 17-25 گرادۋستان 15- 23 گرادۋسقا دەيىن ءسال تومەندەيدى. شىعىستا تەمپەراتۋرا نەگىزىنەن 22- 30 گرادۋس شاماسىندا بولادى. وڭتۇستىكتە 40- 43 گرادۋس اپتاپ ىستىق، ال وڭتۇستىك-شىعىستا 35- 38 گرادۋس قاتتى ىستىق بولجانادى.

وسىعان دەيىن پاكىستاندا توتەنشە اۋا رايى سالدارىنان قازا تاپقاندار سانى ارتقانى تۋرالى جازدىق.