الداعى 7 كۇندە اۋا رايى قانداي بولادى

استانا. KAZINFORM - «قازگيدرومەت» ر م ك الداعى 7 كۇنگە اۋا رايى بولجامىن جاريالادى.

سينوپتيكتەردىڭ بولجامىنشا، 2024 -جىلعى 23-29-ناۋرىز ارالىعىندا قازاقستان اۋماعىنىڭ باسىم بولىگىندە اۋا رايىنىڭ تۇراقسىز سيپاتى ساقتالادى. جاڭبىر، تۇمان، جەلدىڭ كۇشەيۋى بولجانىپ وتىر.

26-ناۋرىزدا قازاقستاننىڭ باتىسىندا (باتىس قازاقستان، اتىراۋ)، 26-27-ناۋرىزدا سولتۇستىك- باتىستا (اقتوبە، قوستاناي)، 23, 26-28-ناۋرىزدا رەسپۋبليكانىڭ وڭتۇستىگىندە (تۇركىستان وبلىسى)، 28-29-ناۋرىزدا ەلىمىزدىڭ وڭتۇستىك- شىعىسىندا (جامبىل، الماتى، جەتىسۋ وبلىستارى) قاتتى جاڭبىر جاۋادى دەپ كۇتىلەدى.

قازاقستاننىڭ بارلىق اۋماعىندا اۋا تەمپەراتۋراسى جىلىنادى دەپ كۇتىلەدى.

گيدرولوگيالىق جانە مەتەورولوگيالىق جاعدايلار كۇرت وزگەرگەن جاعدايدا «قازگيدرومەت» سۋ تاسقىنى قاۋپى تۋرالى داۋىلدى ەسكەرتۋلەرمەن الدىن الا حاباردار ەتەتىن بولادى.

قازاقستان اۋماعىنىڭ قارمەن جابىلعان اۋدانى %55 دى قۇرايدى.

اۆتور

باقىتگۇل اباي قىزى