الداعى 2029 -جىلعا دەيىن 3,3 ميلليون ادامدى جۇمىسقا ورنالاستىرۋ مىندەتى تۇر - مينيسترلىك

استانا. KAZINFORM - جىل باسىنان بەرى 250 مىڭنان استام ادام جۇمىسقا ورنالاستى. بۇل تۋرالى بۇگىن ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اسقار بياحمەتوۆ ءمالىم ەتتى.

- ورتا مەرزىمدى كەزەڭگە كادرلارعا بولجامدى قاجەتتىلىك 3 ميلليون ادامعا جۋىق. وسى دەرەكتەردى كاسىپتىك ستاندارتتاردى بەكىتۋ، ءبىلىم بەرۋ باعدارلامالارىن ازىرلەۋ، ءبىلىم بەرۋ تاپسىرىستارىن ءبولۋ جانە قايتا دايارلاۋ جۇيەسىن ۇيىمداستىرۋ بارىسىندا ەسكەرۋ قاجەت. بۇل اسىرەسە سيفرلاندىرۋ مەن دەموگرافيالىق وزگەرىستەر كەزەڭىندە ايرىقشا مانگە يە. سونىمەن قاتار سيفرلاندىرۋدىڭ جانە تەحنولوگيالىق وزگەرىستەردىڭ سالدارىنان جاڭا كاسىپتەر پايدا بولىپ جاتىر. ماسەلەن، الەۋمەتتى تيۋتور، دروندار وپەراتورى، جاساندى ينتەللەكت مامانى جانە باسقالار، - دەدى اسقار بياحمەتوۆ.

سونىمەن قاتار ول 2024 -جىلدان باستاپ ەڭبەك نارىعىن دامىتۋدىڭ 2030 -جىلعا دەيىنگى تۇجىرىمداماسى ىسكە اسىرىلىپ جاتقانىن ەسكە سالدى. نىسانالى باعدار - 3,8 ميلليون ساپالى جۇمىس ورنى. ايقىندالعان ولشەمشارتتارعا سايكەستىكتى كوزدەيتىن ساپالى جۇمىس ورىندارىن ەسەپكە الۋ جۇيەسى ەنگىزىلدى. بۇل ءوز كەزەگىندە مەدياندىق جالاقىدان جوعارى جالاقىنى قامتاماسىز ەتۋ،

6 ايدان استام مەرزىمگە جۇمىسقا ورنالاستىرۋ، الەۋمەتتىك كەپىلدىكتەرمەن جانە قاۋىپسىز ەڭبەك جاعدايلارىمەن قامتاماسىز ەتۋ.

 - ءبىزدىڭ الدىمىزدا 2029 -جىلعا دەيىن 3,3 ميلليون ازاماتتى جۇمىسقا ورنالاستىرۋ مىندەتى تۇر. جىل باسىنان بەرى 250 مىڭنان استام ادام جۇمىسقا ورنالاستى، ونىڭ ىشىندە 38 پايىزى جاستار (95,4 مىڭ ادام)، - دەدى ۆيتسە-مينيستر.

بۇدان بۇرىن حابارلانعانداي، جاستاردىڭ ەڭبەك نارىعىنا كەلۋى جىلىنا 360 مىڭ ادامعا دەيىن وسەدى.