العاشقى ا ە س-كە ۇزدىك اتاۋ بەرۋ كونكۋرسى باستالدى

استانا. قازاقپارات - 25-قىركۇيەك كۇنى ساعات 12:00-دە قازاقستاندا العاشقى اتوم ەلەكتر ستانسياسىنا ۇزدىك اتاۋ بەرۋ بويىنشا جالپىحالىقتىق كونكۋرس باستالدى.

كونكۋرسقا ءاربىر قازاقستاندىق eGov Mobile ارقىلى قاتىسا الادى.

ساۋالناما eGov Mobile موبيلدى قوسىمشاسىندا جۇرگىزىلەدى. باستى پاراقشادا «ا ە س-كە اتاۋ ۇسىنىڭىز» باننەرى ورنالاستىرىلعان، ال پايدالانۋشىلارعا كونكۋرستىڭ باستالعانى تۋرالى push-حابارلاما جىبەرىلەدى.

باستامانىڭ ماقساتى - بولاشاق ستانسياعا تاريحي، مادەني جانە ۇلتتىق ماڭىزىن ايقىن كورسەتەتىن اتاۋ تاڭداۋ.

قاتىسۋ ءۇشىن:
* ءتىلدى تاڭداۋ (قازاق نەمەسە ورىس)؛
* ءوز نۇسقاسىن ۇسىنۋ؛
* اتاۋدىڭ ماعىناسىن قىسقاشا سيپاتتاۋ (مىندەتتى ەمەس)؛
* كونكۋرستىڭ رەسمي قاعيدالارىمەن تانىسقانىن راستاۋ.

ۇسىنىستاردى قابىلداۋ 2025 -جىلعى 10-قازانداعى ساعات 23:59-عا دەيىن جالعاسادى.

- كونكۋرس قاعيدالارىمەن اتوم ەنەرگياسى جونىندەگى اگەنتتىكتىڭ رەسمي سايتىندا جانە ۆەدومستۆونىڭ الەۋمەتتىك جەلىلەرىندەگى پاراقشالارىندا تانىسۋعا بولادى. ۇيىمداستىرۋشىلار بارلىق ازاماتتى ەلىمىزدىڭ ەنەرگەتيكا سالاسىنىڭ تاريحىنا ۇلەس قوسىپ، قازاقستاننىڭ العاشقى ا ە س-نا اتاۋ ۇسىنۋعا شاقىرادى، - دەلىنگەن حابارلامادا.

ايتا كەتەلىك 25-قىركۇيەكتە eGov پورتالىندا ا ە س اتاۋىن ۇسىنۋعا ارنالعان ءبولىم اشىلاتىنى تۋرالى جازعان ەدىك.