الاياقتاردى انىقتاۋ جۇمىستارى كۇشەيتىلدى - باس پروكۋراتۋرا
استانا. قازاقپارات - 200 دەن استام دروپپەر سوتتالدى. بۇل تۋرالى Kazinform اگەنتتىگىنىڭ BIZDIÑ ORTA پودكاستىندا ق ر باس پروكۋرورىنىڭ ورىنباسارى جاندوس ومىراليەۆ ايتتى.
- بۇرىن قىلمىسكەرلەر بىرەۋدىڭ مۇلكىن كۇش قولدانىپ تارتىپ السا، قازىر ولار سمارتفون مەن كومپيۋتەردى قۇرال رەتىندە پايدالانادى. ينتەرنەت الاياقتىق تاسىلدەرى ءارتۇرلى بولىپ وتىر. بۇل باعىتتا ازاماتتاردىڭ قاراجاتىن جىمقىرۋ دەرەكتەرى از ەمەس. 2024- 2025 -جىلدار ارالىعىندا 5 مىڭنان استام ادام قىلمىستىق جاۋاپكەرشىلىككە تارتىلىپ، سوتتالدى. ونىڭ ىشىندە 453 ينتەرنەت- الاياق، 85 كيبەرقىلمىستىق توپ انىقتالدى، 200 دەن استام دروپپەر سوتتالدى. دروپپەر دەپ الاياقتارعا كومەكتەسىپ، ءوز شوتتارى مەن كارتالارىن پايدالانۋعا بەرگەندەردى اتايمىز، - دەدى ج. ومىراليەۆ.
ونىڭ ايتۋىنشا، ىشكى ىستەر ورگاندارى بۇل باعىتتا ارنايى قۇرىلىمدار قۇرىپ، جۇمىستى كۇشەيتىپ وتىر. پروكۋراتۋرا مەن پوليتسيا بۇل جۇمىستى بىرلەسىپ جۇرگىزىپ جاتىر. پارلامەنتتە زاڭنامالىق وزگەرىستەر قاراستىرىلعان. بۇل رەتتە ۇيالى بايلانىس وپەراتورلارى مەن بانكتەردىڭ دە جاۋاپكەرشىلىگىن ارتتىرۋعا ەرەكشە نازار اۋدارىلعان.
ەسكە سالساق، جاقىندا الماتى وبلىسىندا 19 جاستاعى جىگىت باسقارعان دروپپەرلەر توبى ۇستالدى.
ەلىمىزدە ينتەرنەت الاياقتارعا قۇرباندىق تاۋىپ بەرەتىن دروپپەرلەرگە قىلمىستىق جازا كۇشەيتىلەدى.
