الاياقتار ەندى ۇلتتىق قوردىڭ اتىنان فەيك تاراتىپ جاتىر

استانا. KAZINFORM - الەۋمەتتىك جەلىلەردە وتەماقى تۋرالى اقپارات تاعى تارادى. ەندى الاياقتار ۇلتتىق قوردىڭ اتىنان ارەكەت ەتىپ جاتىر. بۇل جاريالانىم - فەيك، وعان سەنۋدىڭ قاجەتى جوق، دەپ ەسكەرتەدى Stopfake.kz.

جارناماداعى سىلتەمە ۇلتتىق قوردىڭ جالعان سايتىنا اپارادى. وندا 2020-2029-جىلدارعا ارنالعان ازاماتتارعا وتەماقى تولەۋ جوباسى تۋرالى جاڭالىق جاريالانعان.

ولار سالىق اۋدارىمدارىنا، جۇمىس وتىلىنە، وتكەن جىلداعى ساتىپ الۋ قابىلەتىنە جانە شىعىندارعا نەگىزدەلگەن.

وتەماقى مولشەرىن تەكسەرۋ ءۇشىن پايدالانۋشى ءوزىنىڭ ج س ن- ءىن تەرۋگە ءتيىس.

جالعان سايتتاردا جەكە اقپاراتتى قالدىرماعان ءجون. الاياقتار ونى ءوز پايداسىنا پايدالانادى.

ق ر ۇلتتىق قورىنىڭ رەسمي سايتى جوق.

تولەمدەر بويىنشا بارلىق اقپارات ۇكىمەت پەن ۇلتتىق بانكتىڭ پورتالدارىندا جاريالانادى.

رەسمي اقپارات كوزدەرىندە 2020-2029-جىلدارعا ارنالعان ازاماتتارعا وتەماقى تولەۋ جوباسى جايىندا حابارلانعان جوق.

سوڭعى كەزدەرى مەملەكەتتىك ورگانداردىڭ اتىنان وسىنداي حابارلاندىرۋلار تانىمال الەۋمەتتىك جەلىلەردە ءجيى جاريالانىپ جاتىر.

ولاردىڭ جالعان ەكەنىن Stopfake.kz ەسكەرتكەن بولاتىن.