الاياقتار ەندى شىمكەنت اكىمىنىڭ اتىن جامىلىپ ءجۇر
شىمكەنت. KAZINFORM. ينتەرنەت-الاياقتار ەندى شىمكەنت اكىمىنىڭ اتىن جامىلىپ، وڭاي ولجا تابۋدىڭ ادىسىنە كوشكەن. بۇل تۋرالى قالا اكىمى جەلى پاراقشاسىندا جازىپ، تۇرعىنداردى ساق بولۋعا شاقىردى.
شاھار باسشىسىنىڭ جازۋىنشا، WhatsApp مەسسەندجەرىندە اكىمنىڭ اتىنان جالعان حابارلامالار جىبەرىلىپ، ءتىپتى اقشا سۇراپ جاتىر ەكەن.
«بۇل جالعان! مۇنى ينتەرنەت- الاياقتارى جىبەرەدى. سىزدەردەن جالعان اقپاراتقا سەنىپ، بەيتانىس نومىرگە اقشا اۋدارماۋلارىڭىزدى سۇرايمىن. سونداي- اق كۇماندى سىلتەمەلەرگە وتپەڭىز. مەنىڭ Instagram, Facebook الەۋمەتتىك جەلىسىندە تەك ەكى رەسمي اككاۋنتىم بار. مەن بارلىق حابارلامالاردى تەك جەكە تەلەفونىمنان جانە رەسمي اككاۋنتىمنان جىبەرەمىن. ەگەر سىزگە مەنىڭ فوتوسۋرەتىم قويىلعان جاسىرىن نومىردەن قوڭىراۋ نەمەسە حابارلاما كەلسە، وعان ءمان بەرمەڭىز. ساق بولۋلارىڭىزدى جانە ارانداتۋشىلىققا بوي الدىرماۋلارىڭىزدى سۇرايمىن»، - دەپ جازدى شىمكەنت اكىمى.
ءبىز بۇعان دەيىن الاياقتار WhatsApp, Telegram جانە ت. ب مەسسەندجەرلەردە انتيكور باسشىلىعى مەن قىزمەتكەرلەرىنىڭ اتىنان جالعان اككاۋنتتار اشىپ، جالعان حابارلامالار تاراتا باستاعانى تۋرالى جازعان ەدىك.
ادىلەت مينيسترلىگىنىڭ رەسمي وكىلى تالعات ءۋالي تۇرعىندارعا الاياقتار حابارلاسقان جاعدايدا نە ىستەۋ كەرەگىن ءتۇسىندىرىپ بەرگەن بولاتىن.
