پاكىستاندا تولاسسىز جاڭبىر سالدارىنان 293 ادام قازا تاپتى
استانا. KAZINFORM - سوڭعى ەكى ايدا پاكىستاندا جاۋعان مۋسسون جاڭبىرى سالدارىنان 293 ادام قازا تاۋىپ، تاعى 564 ادام جاراقات الدى، دەپ جازادى شينحۋا.
تولاسسىز جاۋعان جاڭبىر ەلدىڭ كەيبىر ايماقتارىندا ۇلكەن شىعىنعا اكەپ سوقتى. بۇل تۋرالى ەلدىڭ توتەنشە جاعدايلاردى جويۋ جونىندەگى ۇلتتىق باسقارماسى حابارلادى.
ۆەدومستۆونىڭ مالىمەتىنشە، تولاسسىز جاۋعان جاڭبىر بۇكىل ەل بويىنشا 19572 ءۇيدى، 39 كوپىردى جانە بىرنەشە مەكتەپتى ءىشىنارا نەمەسە تولىق زاقىمدادى.
سونداي- اق 1-شىلدە مەن 31-تامىز ارالىعىندا 1077 گە جۋىق مال قىرىلدى.
زارداپ شەككەندەر مەن شىعىننىڭ باسىم بولىگى ەلدىڭ شىعىسىنداعى پەنجاب پروۆينتسياسىندا تىركەلدى.
وندا 112 ادام قازا تاۋىپ، 302 ادام جاراقات الدى، ودان كەيىن سولتۇستىك-باتىس حايبەر- پاحتۋنحۆا پروۆينتسياسىندا 88 ادام قازا تاۋىپ، 129 ادام جارالاندى.
الداعى كۇندەرى پاكىستاننىڭ كەي جەرلەرىندە جاۋىن-شاشىننىڭ تاعى ءبىر كەزەڭى بولادى دەپ بولجانىپ وتىر.
