اجەسى مەن نەمەرەسى بوراندا جوعالىپ كەتتى

قوستاناي وبلىسىندا قارت ايەل مەن بالانى ىزدەۋگە جەرگىلىكتى قۇتقارۋشىلار جۇمىلدىرىلدى. جوعالعاندار جايىندا الەۋمەتتىك جەلىدە حابارلاندى، دەپ حابارلايدى Kazinform.

26-جەلتوقسان تاڭعى ساعات 7.00 شاماسىندا ستەپنوي ەلدىمەكەنىندە 58 جاستاعى ايەل مەن 11 جاسار قىز جولاي ءوتىپ بارا جاتقان كولىكتى توقتاتىپ مىنەمىز دەپ ۇيدەن شىعىپ كەتكەن.

سودان بەرى قايدا جۇرگەنى بەلگىسىز. ولار توبىل قالاسىن بەتكە العان ەدى.

- ىزدەۋ-قۇتقارۋ جۇمىسىنا ەرىكتىلەر، پوليتسيا، اكىمدىك قىزمەتكەرلەرى مەن قۇتقارۋشىلار جۇمىلدىرىلعان. بۇل ىسكە 2 كۆادروتسيكل تارتىلدى. قازىرگى ۋاقىتتا ىزدەۋ جۇمىستارى جالعاسىپ جاتىر، - دەپ حابارلادى قوستاناي وبلىسى توتەنشە جاعدايلار دەپارتامەنتىنىڭ باسپا ءسوز قىزمەتى.

بۇل جۇمىستى قولايسىز اۋا رايى دا قيىنداتىپ وتىر. بۇگىن قوستاناي وبلىسىندا قارلى بوران سوعىپ تۇر.

بۇرقاسىندا قار قۇرساۋىندا قالعان ادامدار جىلىتۋ پۋنكتىنە جەتكىزىلىپ جاتىر.