اۋەجايلار قول جۇگىندەگى سۇيىقتىقتارعا شەكتەۋ ەرەجەسىن جويادى
استانا. KAZINFORM - كەيبىر ەۋروپالىق اۋەجايلار قول جۇگىندەگى سۇيىقتىقتارعا شەكتەۋلەردى جويا باستادى. بيلىكتىڭ سەندىرۋىنشە، رەيستەردىڭ سەنىمدىلىگى تومەندەمەيدى. ءبىراق ونىڭ كوپتەگەن ارتىقشىلىقتارى بار، مىسالى، ۋاقىت پەن اقشانى ۇنەمدەۋ، دەپ جازدى Еuronews.
سۋسابىننىڭ شاعىن قۇتىلارى ەۋروپالىق دەمالىستىڭ اجىراماس بولىگى بولعانىنا كوپ ۋاقىت بولدى. ءبىراق بۇل ۇزاققا بارمايدى. جوعارى تەحنولوگيالى ك ت سكانەرلەرى قول جۇگىندەگى 100 م ل سۇيىقتىق ەرەجەسىن جويىپ، قاۋىپسىزدىكتى تەكسەرۋدى جەڭىلدەتەدى جانە كەزەك ۋاقىتىن قىسقارتادى.
100 م ل ەرەجەسى نە ءۇشىن ەنگىزىلدى؟ مۇنى ساياحاتشىلار ءبىلۋى كەرەك.
2006 -جىلدان باستاپ بۇكىل الەم بويىنشا اۋە كومپانيا جولاۋشىلارى قول جۇگىندە 100 م ل- دەن اسپايتىن سۇيىقتىقتاردى تاسىمالداۋعا قۇقىلى.
بۇل ەرەجە بريتاندىق پوليتسيا ءبىرقاتار ترانساتلانتيكالىق رەيستەردە الكوگولسىز سۋسىن رەتىندە جاسىرىلعان سۇيىق جارىلعىش زاتتاردى جارۋ جوسپارىن اشقاننان كەيىن ەنگىزىلدى.
قاسكۇنەمدەر ۇشۋ كەزىندە كولەمى 500 م ل گازدالعان بوتەلكەلەرىنە سۋتەگىنىڭ اسقىن توتىعى مەن باسقا زاتتاردى قۇيىپ، قاقپاقتاردى جابىق قالدىرۋ ارقىلى قۇرىلعىنى جيناپ، جارۋدى كوزدەگەن. باسقا ينگرەديەنتتەرمەن بەلگىلى ءبىر كونسەنتراتسياعا دەيىن ارالاسقاندا، ءتىپتى قاراپايىم اعارتقىش زات جارىلعىش زاتقا اينالۋى مۇمكىن...
ساراپشىلاردىڭ ايتۋىنشا، ەگەر قاستاندىق جۇزەگە اسسا، بۇل 11-قىركۇيەكتەگى لاڭكەستىك ارەكەتتەن دە قاۋىپتى بولار ەدى. لاڭكەستەر ۇلى بريتانيادان ا ق ش- تىڭ بەس اۋەجايى مەن كانادانىڭ ەكى اۋەجايىنا باعىت العان بىرنەشە رەيستە جارىلىس ۇيىمداستىرماق بولعان.
ولاردىڭ جاۋلىق نيەتى انىقتالعاننان كەيىن جولاۋشىلار قول جۇگىندەگى كەز كەلگەن سۇيىقتىققا تولىعىمەن تىيىم سالىندى. كەيىن تىيىم جۇمسارتىلدى: سىناقتار قۇتى تەكسەرىلگەن جاعدايدا 100 م ل سۇيىقتىقتى تاسىمالداۋ قاۋىپسىز ەكەنىن كورسەتتى.
18 جىلدان كەيىن جاڭادان جەتىلدىرىلگەن قاۋىپسىزدىك سكانەرلەرىنىڭ ارقاسىندا 100 م ل سۇيىقتىق ەرەجەسى بىرنەشە ەلدە جويىلادى. مەديتسينادا قولدانىلاتىنعا ۇقسايتىن ك ت تەحنولوگياسىن كومەگىمەن ماشينالار جولاۋشىلاردىڭ سومكەلەرىندەگى جۇكتىڭ انىق 3D- سۋرەتىن الادى. ونىڭ ەگجەي-تەگجەيلىلىگى سونشالىق، ونى «ساندىق قوراپتان شىعارۋمەن» سالىستىرۋعا بولادى»، - دەپ ءتۇسىندىردى قۇرىلعى ءوندىرۋشىسى Smiths Detection توبى.
اۆتور
زارينا تۋعانبايەۆا
