Airbus قازاقستان ءۇشىن العاشقى A400M اسكەري ۇشاعىن دايىنداپ جاتىر
استانا. قازاقپارات - Airbus كومپانياسى قازاقستان قورعانىس مينيسترلىگىنىڭ تاپسىرىسى بويىنشا العاشقى A400M اسكەري-كولىك ۇشاعىن جونەلتۋگە دايىنداپ جاتىر. 2021-جىلى قازاقستان ەكى ۇشاققا تاپسىرىس بەرگەن ەدى.
- قازاقستان رەسپۋبليكاسىنا ارنالعان ءبىرىنشى A400M ۇشاعى بوياۋ سەحىنان شىقتى، - دەلىنگەن Airbus كومپانياسىنىڭ اقپاراتىندا.
Airbus A400M - اۋىر جۇك تاسىمالدايتىن اسكەري-كولىك ۇشاعى.
ول اسكەري جانە ازاماتتىق گۋمانيتارلىق ميسسيا اياسىندا اۋە تاسىمالىن جۇزەگە اسىرا الادى، سونداي-اق توتەنشە جاعدايلاردا جەدەل ارەكەت ەتۋدى ۇيىمداستىرۋ ءۇشىن ءتيىمدى.
Airbus A400M ۇشاعىن جەتكىزۋ شارتىندا پەرسونالدى وقىتۋ جانە تەحنيكالىق قولداۋ كورسەتۋ بويىنشا قىزمەتتەر پاكەتى قامتىلعان.
ايتا كەتەيىك، جاقىندا مەملەكەت باسشىسى قاسىم-جومارت توقايەۆ قورعانىس ءمينيسترى رۋسلان جاقسىلىقوۆتى قابىلداپ، قارۋلى كۇشتەردىڭ جاۋىنگەرلىك الەۋەتىن ودان ءارى ارتتىرۋ جونىندە ءبىرقاتار مىندەت جۇكتەدى.
