Air Astana اكسيالارى 15-اقپاننان ساتىلا باستايدى
استانا. KAZINFORM - وسى جىلدىڭ 15-اقپانىندا Air Astana اكسيالارى ساتىلىمعا شىعارىلادى. بۇل تۋرالى Air Astana توبىنىڭ قارجى جونىندەگى اتقارۋشى ديرەكتورى يبراحيم جانلىەل ايتتى.
«بۇگىن ءبىز روۋد- شوۋدى لوندون مەن قازاقساندا ءبىر ۋاقىتتا باستايمىز. ليستينگ 8-اقپانعا دەيىن جالعاسادى دەپ كۇتەمىز. ساۋدا- ساتتىقتىڭ 14-اقپاندا لوندوندا جانە 15-اقپاندا KASE پەن AIX- تە باستالاتىندىعى ءسوزسىز»، - دەدى يبراحيم جانلىەل zoom ارقىلى وتكەن باسپا ءسوز ءماسليحاتىندا.
ونىڭ اتاپ وتۋىنشە، قازىردى وزىندە ءوتىنىم قابىلداۋ اشىق. ياعني، الەۋەتتى ينۆەستورلار ساتىپ الۋعا جانە اكسيالار سانىنا قاتىستى ءوتىنىمىن بەرە الادى.
ورنالاستىرۋدىڭ بولجامدى باعا دياپازونى عالامدىق دەپوزيتارلىق قولحاتتار ( مۇنانى ارى – ع د ق) ءۇشىن 8,50 دەن 11,00 ا ق ش دوللارعا دەيىن جانە اكسيا ءۇشىن 2,13 تەن 2,75 ا ق ش دوللارعا دەيىن بەلگىلەندى. ع د ق مەن اكسيا ءۇشىن ۇسىنىستىڭ تۇپكىلىكتى باعاسى ورنالاستىرۋدىڭ باعا دياپازونىندا بولادى. ع د ق بازالىق اكتيۆى كومپانيانىڭ جاي اكسيالارى بولادى، بۇل رەتتە ءبىر ع د ق بازالىق اكتيۆى - 4 (ءتورت) اكسيا. اكتسيانىڭ تۇپكىلىكتى باعاسى تەڭگەمەن بەلگىلەنەدى جانە باعا جاريالانعان كۇننىڭ الدىنداعى كۇنى قولدانىستا بولاتىن قازاقستان ۇلتتىق بانكىنىڭ (ارى قاراي - «ق ۇ ب») رەسمي باعامى بويىنشا 4 (تورتكە) بولىنگەن جانە تەڭگەمەن ايىرباستالعان ع د ق ءۇشىن تۇپكىلىكتى باعاعا تەڭ. KASE جانە AIX اكسيالارىنا ينۆەستورلاردىڭ وتىنىمدەرى تەڭگەمەن بەرىلۋگە ءتيىس.
اۆتور
مارلان جيەمباي
