افريكادان شىققان مايمىل شەشەگى جايىلىپ بارادى

افريكادان شىققان مايمىل شەشەگى جەر-جاھانعا جايىلىپ بارادى. رەسمي اقپارات بويىنشا قاۋىپتى ينفەكتسيا قارا قۇرلىقتان بولەك، ازيا مەن ەۋروپادا دا تىركەلدى.

وسىعان بايلانىستى ءبىرقاتار مەملەكەت ساقتىق ماقساتىندا اۋەجايلار مەن شەكارا بەكەتتەرىندە باقىلاۋدى كۇشەيتكەن. افريكادان شىققان مايمىل شەشەگى جايىلىپ بارادى مونكەي- پوكس نەمەسە مايمىل شەشەگى اۋرۋى افريكا ەلدەرىندە اسقىنىپ بارادى. بۇگىندە قاۋىپتى ۆيرۋس قارا قۇرلىقتىڭ 13 مەملەكەتىن جايلاپ العان. اسىرەسە كونگو دەموكراتيالىق رەسپۋبليكاسىنداعى احۋال كۇردەلى. ءبىر اپتانىڭ ىشىندە ىندەتتى جۇقتىرۋدىڭ 2000 نان استام جاعدايى تىركەلگەن. ال جىل باسىنان بەرگى ەسەپ بويىنشا بۇل ەلدە 15664 ادام ناۋقاس دەپ تانىلىپ، 548 ازامات قايتىس بولعان. بۇل تۋرالى وسى ەلدىڭ دەنساۋلىق ساقتاۋ ءمينيسترى مالىمدەدى.

ايتا كەتەيىك، كونگو دەموكراتيالىق رەسپۋبليكاسىنان بولەك، بۋرۋندي، كامەرۋن، گانا، كەنيا، رۋاندا، ۋگاندا جانە وڭتۇستىك افريكادا دا ەم پوكسقا قاتىستى جاعداي ءماز ەمەس. بارىندە توتەنشە جاعداي جاريالانعان. يندونەزيادا تۋريستەرگە قاتىستى باقىلاۋ كۇشەيدى يندونەزيا بيلىگى الەمدە مايمىل شەشەگى اۋرۋىنىڭ تارالۋىنا بايلانىستى شەتەلدىك تۋريستەردىڭ اعىنىن باقىلاۋعا كوشتى. اتاپ ايتقاندا، كەدەن بەكەتتەرىندە ساياحاتشىلاردان دەنساۋلىق جاعدايى، ولاردىڭ كىممەن بايلانىستا بولعانى سۇرالادى. سونىمەن قاتار تۋريستەر ناقتى قايدا بارا جاتقانىن دا ايتۋى كەرەك. ايتا كەتەيىك، جىل باسىنان بەرى يندونەزيادا 14 ادام مايمىل شەشەگى ۆيرۋسىن جۇقتىرعان.

پاكىستاندا اۋەجايلار زارارسىزداندىرىلىپ جاتىر

پاكىستاندا دا وسىعان ۇقساس جاعداي. ينفەكسيانىڭ شەكارا اسۋىنا جول بەرمەس ءۇشىن اۋەجايلار مەن شەكارا وتكەلدەرىندە قاجەتتى شارالار قابىلدانعان. اتاپ ايتقاندا، اۋە ايلاعىنا مەديتسينا ماماندارى تارتىلىپ، بولمەلەر مەن جۇكتەردى جاپپاي زارارسىزداندىرۋ جۇمىستارى جۇرگىزىلىپ جاتىر. ەل ىشىندەگى اۋرۋحانالار دا دەرتتىڭ تارالۋىنا قارسى دايىندىق جۇمىستارىن كۇشەيتكەن. ماسەلەن، ناۋقاس دەپ تانىلعان ازاماتتار پەشاۆار قالاسىنداعى مەديتسينالىق مەكەمەگە وقشاۋلانادى. ايتا كەتەيىك، جۋىردا پاكىستاندا مايمىل شەشەگىن جۇقتىرۋدىڭ العاشقى دەرەگى تىركەلدى. ينفەكتسيا ساۋد ارابياسىنان ورالعان تۋريستەن انىقتالعان. شۆەتسيادا مايمىل شەشەگى انىقتالدى ۆيرۋس ەۋروپاعا دا تاراپ ۇلگەردى. شۆەتسيانىڭ ستوكگولم قالاسىندا م- پوكس ۆيرۋسىن جۇقتىرعان ءبىر ناۋقاس انىقتالدى. جەرگىلىكتى دەنساۋلىق ساقتاۋ مينيسترلىگى تاراتقان اقپار بويىنشا ول ۆيرۋستى افريكادان جۇقتىرىپ كەلگەن. قازىر بۇل ازاماتقا قاجەتتى كۇتىم كورسەتىلىپ جاتىر.

24.kz