افريكادا شەگىرتكە اۋلاۋ- كاسىپ كوزى

 شەگىرتكە قاپتاسا نانسىز قالاسىڭ. افريكا ەلدەرى مەن حالىقارالىق ۇيىمدار دا شەگىرتكەمەن كۇرەسىپ الەك. ەفيوپيا 112000 گەكتار القاپقا حيميالىق ءدارى سەپكەن.

وسى زيانكەستەرمەن كۇرەسۋ ءۇشىن، ب ۇ ۇ ازىق- تۇلىك جانە اۋىل شارۋاشىلىعى ۇيىمى ەفيوپياعا 4,5 ميلليون ا ق ش دوللارىن جانە 220000 ليتر حيميالىق زاتتار جونەلتكەن. شەگىرتكە افريكالىقتاردىڭ باس اۋرۋىنا اينالعان ماسەلە. امالىن تاپقاندارى ونى اۋلاپ، تاعام رەتىندە پايدالانىپ وتىر.

 افريكادا شەگىرتكە اۋلاۋ كاسىپ كوزى

 شەگىرتكە اۋلاۋشىلار ءۇشىن ءساۋىر مەن مامىر ەڭ قولايلى كەزەڭ. ويتكەنى، بۇل كەزدە شەگىرتكەلەر جۇمىرتقادان شىعىپ، دەرناسىل كۇيىندە جۇرەدى. ۇشا المايتىندىقتان جيناپ الۋ وڭاي. سوندىقتان، اۋىل شارۋاشىلىعىنا زيان كەلتىرمەي تۇرىپ، بيولوگيالىق باقىلاۋ ماقساتىندا اۋلاۋ ءتيىمدى. كەي ەلدەردە تاعامدىق ماقساتتا دا وسى كەزدە جيناي باستايدى. دەرناسىل كەزەڭىندە شەگىرتكەلەر جۇمساق ءارى اقۋىزعا باي، سوندىقتان تاعام وندىرىسىنە جارامدى. جاندىك اۋلايتىندار ۋگاندا بازارلارىن اقۋىزدىڭ باستى كوزىمەن قامتاماسىز ەتىپ وتىر. ءبىر كەزدەرى بىرەن- ساران ادام اينالىسقان كاسىپ بۇگىندە سۇرانىستى وتەۋ ءۇشىن توننالاپ جاندىك اۋلايتىن الىپ قاقپاندارى بار، كوممەرتسيالانعان ونەركاسىپ.

ۋگاندادا تۇزدالعان جانە قۋىرىلعان شەگىرتكە - دەليكاتەس. اشىق بازارلاردا، تاكسي پاركىندە، جول جيەكتەرىندە ءبىر قابى ەكى دوللارعا ساتىلادى. دجين فەوفليارت، ۆاشينگتونداعى مەديسون ۋنيۆەرسيتەتىنىڭ ەنتومولوگى وڭتۇستىك- شىعىس ازيادا جاندىكتەر ميلليونداعان ادامنىڭ كۇندەلىكتى راتسيونىنىڭ - ماڭىزدى بولىگى. كريكەتتەر، تارقاندار جانە باسقا دا جاندىكتەر بۇكىل ايماقتا جول بويىنداعى دۇكەندەر مەن مەيرامحانالاردا ساتىلادى. ودان تۇسكەن قاراجاتتى كوممەرتسيالىق جانە وتاندىق وندىرۋشىلەر جيناپ، زارداپ شەككەن شارۋالاردىڭ شىعىنىن جابۋعا كومەكتەسەدى.

شەگىرتكە اقۋىزعا باي جاندىك

 اقۋىزى مول، تەمىر، مىرىش جانە باسقا دا كەرەكتى مينەرالعا باي بۇتا شەگىرتكەلەرى، جالپى جەۋگە جارايتىن جاندىكتەر ب ۇ ۇ ازىق- تۇلىك جانە اۋىلشارۋاشىلىعى ۇيىمى تاراپىنان "بولاشاقتىڭ ازىق كوزى" رەتىندە ازىق- تۇلىك قاۋىپسىزدىگىن قامتاماسىز ەتۋدىڭ جانە اشتىقتى ازايتۋدىڭ ماڭىزدى فاكتور دەپ بەلگىلەنگەن.

شەگىرتكەنى ازىق ەتكەن ەلدەر

 شەگىرتكەنى - ازيا مەن افريكادا جانە لاتىن امەريكاسىندا مىڭداعان جىلدار بويى ادامدار تۇتىنىپ كەلەدى. مىسالى، تايلاندتا قۋىرىپ بەرەدى، مەكسيكادا دامدەۋىشپەن بىرگە پايدالانادى. افريكا ەلدەرىندە كۇنگە كەپتىرىپ، سودان كەيىن قۋىرىپ نەمەسە بۇقتىرىپ جەيدى. بالالار مەن سپورتشىلار ءۇشىن ناعىز اقۋىز كوزى. ال، قىتايلار بۋعا ءپىسىرىپ جەيدى. كەيدە ءتاتتى سويا سوۋسىنا سالىپ دايىندايدى. كەيبىر ايماقتاردا - ءداستۇرلى قىتاي مەديتسيناسىندا ەمدىك قاسيەتى بار دەپ ەسەپتەلەدى. سونداي- اق، يندونەزيانىڭ اس مازىرىندە "Belalang goreng" دەپ اتالاتىن - قۋىرىلعان شەگىرتكە تاعامى بار. يران جانە ساۋد ارابياسىندا شەگىرتكە - حالال تاعام. اراب ەلدەرىندە قۇرعاق كۇيدە قۋىرىپ جەيدى. ال، جاپونيادا شەگىرتكە تاعامى "ينگو" دەپ اتالادى. ول ساندىك تاعام رەتىندە دە ۇسىنىلادى. دەگەنمەن، كەي ادامداردا شەگىرتكەگە نەمەسە ولاردىڭ اقۋىزىنا اللەرگياسى بولۋى مۇمكىن.

شەگىرتكەنىڭ اۋىل شارۋاشىلىعىنا اسەرى

شەگىرتكەنى شەكتەن تىس اۋلاۋ مەن كليمات وزگەرىسى بولاشاقتا وسى ازىق تۇرىنە قاۋىپ ءتوندىرۋى مۇمكىن. شەگىرتكەنىڭ مۇلدەم جويىلىپ كەتۋى نە شەكتەن تىس تۇرلەرىنىڭ كوبەيۋى ەكوجۇيەدەگى تەپە-تەڭدىكتى بۇزادى. ءبىر توپ شەگىرتكە جۇزدەگەن مىڭ گەكتار ەگىستىكتى جويىپ جىبەرە الادى. سالدارىنان، ەگىستىك، جايىلىم، باقشالاردى قۇرتىپ، اشارشىلىققا اكەلۋى مۇمكىن. ماسەلەن، 2020 -جىلى افريكادا شەگىرتكە شابۋىلى ۇلكەن ەكونوميكالىق داعدارىس تۋعىزعان.

 https://24.kz