ۆاشينگتوندا اسكەري شەرۋ ءوتتى
ۆاشينگتون. قازاقپارات - 14-ماۋسىمدا ا ق ش استاناسىندا ارميانىڭ 250 جىلدىعىنا وراي اسكەري شەرۋ ءوتتى. ول ا ق ش پرەزيدەنتى دونالد ترامپتىڭ 79 جاسقا تولۋىمەن تۇسپا-تۇس كەلدى، دەپ حابارلايدى Kazinform اگەنتتىگىنىڭ ءتىلشىسى.
پارادقا 6600 دەن استام سارباز، 50 گە جۋىق اسكەري ۇشاق پەن 150 تەحنيكا قاتىستى.
شەرۋ 18.00 دە، باستاپقىدا جوسپارلانعاننان جارتى ساعات بۇرىن باستالدى. مارشرۋت ۇلتتىق ساۋدا ورتالىعى، كونستيتۋتسيا داڭعىلى بويىمەن 23- كوشەدەن NW 15- كوشەگە دەيىن، لينكولن مەموريالىنان باستالىپ، اق ۇيدە اياقتالدى.
سونداي-اق شەرۋگە ازامات سوعىسى، ءبىرىنشى دۇنيەجۇزىلىك جانە ەكىنشى دۇنيەجۇزىلىك سوعىس كەزىندەگى كيىم كيگەن ساربازدار جانە سول داۋىردەگى اسكەري تەحنيكالار كورسەتىلىپ، ا ق ش تاريحىن كورسەتتى.
پرەزيدەنت دونالد ترامپ پارادتان كەيىن سويلەگەن سوزىندە: «اسكەريلەر ءبىزدى ازات ەتەدى، كۇشتى ۇستايدى» دەدى.
ترامپ جاھاندىق قارسىلاستارعا دا ەسكەرتۋ جاسادى.
- امەريكانىڭ جاۋلارى امەريكا حالقىنا ءقاۋىپ توندىرەتىن بولسا، ءبىزدىڭ ساربازدار سىزدەردىڭ سوڭدارىڭىزدان كەلەدى، - دەدى ول.
ۆيتسە- پرەزيدەنت دجون ۆەنس پارادتان كەيىن ءسوز سويلەپ، ارميانىڭ تۋعان كۇنىن اتاپ ءوتتى جانە پرەزيدەنتتى تۋعان كۇنىمەن قۇتتىقتادى.
ا ق ش قۇپيالىق قىزمەتىنىڭ مالىمەتىنشە، پارادتىق باقىلاۋ-وتكىزۋ پۋنكتىندە قارۋ ۇستاعان ەر ادام ۇستالدى.
كۇدىكتىنىڭ وعان تەحاستا بەرىلگەن جاسىرىن تاسىمالداۋعا رۇقساتى بولعان، ءبىراق ۆاشينگتوندا زاڭدى كۇشى جوق، وكرۋگتەن تىس جەردە بەرىلگەن جاسىرىن تاسىمالداۋ رۇقساتتارىن مويىندامايدى.
ترامپ اكىمشىلىگىنىڭ ساياساتىنا قارسى شاعىن بەيبىت شەرۋلەر مەن ميتينگىلەر دە بولدى.
ا ق ش ارمياسىنىڭ 250 -جىلدىعىن مەرەكەلەۋ ۇلتتىق ساۋدا ورتالىعىندا ءتۇرلى- ءتۇستى وتشاشۋمەن اياقتالدى.
ەسكە سالا كەتەيىك، بۇعان دەيىن ا ق ش- تا ترامپقا ءقارسى ىرى نارازىلىق اكتسياسى وتەتىنىن جازعان ەدىك.
