ادام زورلادى دەگەن كۇدىكپەن 30 جىل تۇرمەدە وتىرىپ شىققان تۇرعىن كىناسىز بولىپ شىقتى
ادام زورلادى دەگەن كۇدىكپەن 30 جىل تۇرمەدە وتىرىپ شىققان امەريكالىق تۇرعىن كىناسىز بولىپ شىقتى، - دەپ حابارلايدى Innocence Project.
ۇيىم مالىمەتىنشە، امەريكالىق پەرري لوتت 1987 -جىلى 2-قاراشادا وكلاحوما شتاتىندا ايەل ادامعا شابۋىل جاساعانى ءۇشىن 1988 -جىلى ۇزاق مەرزىمگە سوتتالعان بولاتىن. ول كەزدە الدەبىر قاسكوي ايەلدى جۇمىسىنان ۇيىنە دەيىن اڭدىپ، باسىنا وق تاقاپ، زورلاپ، توناپ كەتكەن. ايەل ادام قاسكويدىڭ التىن ءتىسى بولعانى ەسىندە قالىپ قويعان. پەرري لوتتىڭ دە التىن ءتىسى بولعان، ول ارتىنشا ەكى كۇننەن كەيىن ۇستالعان.
ەر ادام تەرگەۋشىلەرمەن كەلىسىمگە ءوز ەركىمەن كەلىپ، قىلمىسكەردى تانۋ وپەراتسياسىنا قاتىسقان. تەرگەۋشىلەر وپەراتسياعا بىرنەشە كۇدىكتىنى شاقىرىپ، ولارعا جالعان التىن ءتىس سالدىرعان. ولاردىڭ ىشىندە التىن ءتىس تەك لوتتا بولعان. جابىرلەنۋشى ايەل كۇدىكتى رەتىندە لوتتى تانىعان. كەيىننەن 2014 -جىلى ايەل سول كەزدە قاتتى قوبالجىپ تۇرعانىن، ونىڭ تاڭداۋعا ناقتى سەبەپ بولماعانىن مويىنداعان.
ايەل ونى زورلاعان ەر ادام تەگىس قىرىنعانىن ايتقان، ال لوتتتىڭ مۇرتى بولعان، الايدا لوتت قىلمىسكەردىڭ باسقا بەلگىلەرىنە سايكەس كەلمەسە دە كىنالى دەپ تانىلدى. سوت ايىپتالۋشى لوتتىڭ سۇيىكتىسى سول ءتۇنى ونىمەن بىرگە بولعانىن ايتقانىنا دا ءمان بەرمەگەن.
2010 -جىلدارى لوتتىڭ ءىسىن Innocence Project قولعا العان. جۇرگىزىلگەن د ن ق سىناعى قىلمىس ورنىنداعى بيولوگيالىق ماتەريالداردىڭ باسقا ادامعا تيەسىلى ەكەنىن كورسەتتى.
