ادام ولتىرگەن قىلمىسكەر 25 جىلدان كەيىن ۇستالدى
كوكشەتاۋ. KAZINFORM - رەسەيدە ادام ءولتىرىپ، 25 جىل بويى ىزدەۋدە جۇرگەن قىلمىسكەر اقمولا وبلىسىندا ۇستالدى.
اقمولا وبلىسى پ د باسپا ءسوز قىزمەتىنىڭ مالىمەتىنشە، ەر ادامعا 25 جىل بۇرىن رەسەي فەدەراتسياسىنىڭ تومسك وبلىسى بويىنشا ءى ءى م باسقارماسى ىزدەۋ جاريالاعان.
«قازاقستان ازاماتى 1999 -جىلدىڭ 12-ناۋرىزىندا تومسك قالاسىندا ءوزىنىڭ تانىسىن ءولتىرىپ، قاشىپ كەتكەن. كەيىن وعان رەسەي فەدەراتسياسىنىڭ قىلمىستىق كودەكسىنىڭ 105-بابىنىڭ 1-بولىگى (كىسى ءولتىرۋ) بويىنشا قىلمىس جاسادى دەگەن ايىپ تاعىلدى. كۇدىكتىنىڭ ورنالاسقان جەرىن بىردەن انىقتاۋ مۇمكىن بولماعاندىقتان، رەسەيدىڭ تومسك وبلىسى بويىنشا ءى ءى م باسقارماسىنىڭ وكتيابر اۋدانى بويىنشا ءى ءى م ءبولىمى ىزدەۋ جاريالاعان. ەر ادام 25 جىل بويى جاسىرىنىپ كەلدى. جاقىندا اتباسار اۋدانىنىڭ كريمينالدىق پوليتسيا قىزمەتكەرلەرى جەدەل - ىزدەستىرۋ ءىس-شارالارىن جۇرگىزۋ بارىسىندا اۋىلداردىڭ بىرىندە جۇرگەن اۋىر قىلمىسقا كۇدىكتى ەر ادامدى انىقتادى»، - دەدى ۆەدومستۆودان.
اۆتور
اسلان وسپانوۆ
