ادام اعزاسى - جۇمباق الەم

استانا. قازاقپارات - ادام بالاسى سىرتقى قۇبىلىسقا بەي-جاي قاراي المايتىنى بەلگىلى. ءبىراق ءوز الەمىندە نە بولىپ جاتقانىنان كەيدە بەيحابار.

ادامنىڭ تىلسىم تابيعاتى جۇمباق. دەسەك تە، كۇنى بويى ءون بويىمىزدا نە بولىپ جاتقانىن بىلە بەرمەيمىز.

بىلەتىنىمىز، ادام اعزاسى كۇردەلى، ءبىراق بىلمەيتىنىمىز كوپ.

سوندىقتان كەرەك دەرەكتەرگە ءبىر زەر سالىپ كورەيىك.

ادام باسىنداعى شاشىنىڭ ءومىر بويى ءوسۋى مەن ۇزىندىعى ورتاشا ەسەپپەن العاندا 725 شاقىرىمدى قۇرايدى ەكەن.

قاتتى كۇلگەن نەمەسە كۇلىمسىرەپ، جىميعان جاعدايدا اعزاداعى 17 بۇلشىق ەت جاقسى جۇمىس ىستەيتىن كورىنەدى. ادامنىڭ ءاربىر ساۋساعى ءومىرىنىڭ سوڭىنا دەيىن شامامەن العاندا 25 ميلليون رەت بۇگىلەدى ەكەن.

ادام جۇرەگىنىڭ كولەمى ونىڭ جۇدىرىعىنداي بولادى. ۇلكەن كىسىنىڭ جۇرەگىنىڭ سالماعى - 220-260 گرام.

يودتى ەڭ كوپ قولداناتىندار - جاپوندار. ولاردىڭ ءتۇرلى تاعامدار مەن سۋسىندارىنا دا يود قوسىلادى.

جاپوندار يودتى دۇنيەجۇزىلىك دەنساۋلىق ساقتاۋ ۇيىمى بەلگىلەگەن كۇندىك مولشەردەن 108 ەسە ارتىق قولدانادى. ادام اعزاسىنىڭ قۇرامىنا 4 مينەرال: اپاتيت، اراگونيت، كالسيت جانە كريستوباليت كىرەدى. ادام بويىندا ءومىر ءسۇرىپ جاتقان باكتەريالاردىڭ سالماعى شامامەن 2 كەلىدەي بولۋى مۇمكىن.

ادامنىڭ ميىندا ءبىر سەكۋندتا 100 مىڭ حيميالىق رەاكسيالار وتەدى. ءسابي دۇنيەگە كەلگەن ساتتە ونىڭ ميىندا 14 ميلليارد جاسۋشالار بولادى، بۇل ءومىرىنىڭ سوڭىنا دەيىن كوبەيمەيدى. تەك 25 جاسقا كەلگەن سوڭ عانا ازايا باستايدى. 40 جاستان اسقاننان كەيىن ادام ميى وزگەرىستەرگە ۇشىرايدى، ۇمىتشاقتىق پايدا بولا باستايدى.

50 جاستان كەيىن نەرۆ جاسۋشالارى كەۋىپ، قۇرعاي باستايدى دا، ميدىڭ كولەمى كىشىرەيەدى. ادامنىڭ جىڭىشكە ىشەكتەرىنىڭ جالپى ۇزىندىعى 2،5 مەتردى قۇرايدى. ال قايتىس بولعان ۋاقىتتا ونىڭ ىشكى قاباتى بوسايدى دا، ۇزىندىعى 6 مەترگە جەتەدى دەگەن دەرەك بار.

بالالار دۇنيەگە كەلگەندە، ولاردىڭ تىزە تاباقشاسى بولمايدى. تەك از ۋاقىتتان سوڭ عانا ولار قاتايا باستايدى. ەرلەر ايەلدەرگە قاراعاندا، 40 پايىزداي ارتىق تەرلەيدى. ادامنىڭ وڭ جاق وكپەسى سول جاعىنا قاراعاندا اۋانى كوپ جۇتادى. كۇنىنە ادام بالاسى 23 مىڭ رەت دەم الىپ، دەم شىعارادى. ادام بالاسىنىڭ كورۋ قابىلەتى وتە جوعارى. ول ءبىر ساتتە 10 ميلليون ءتۇر مەن ءتۇستى اجىراتا الۋى مۇمكىن.

ادامنىڭ اۋىز قۋىسىندا 40 مىڭ باكتەريا جۇرەدى. ءبىر قىزىعى، ادام بالاسى كوزىن اشىپ تۇرىپ تۇشكىرە المايدى ەكەن. ايەلدەر ەرلەرگە قاراعاندا، ەكى ەسە ارتىق كوزدەرىن جىپىلىقتاتادى. ادام اعزاسىنداعى ەڭ كۇشتى بۇلشىق ەت - ءتىل.

ادام بويىندا 2000 عا جۋىق سەزىمتالدىق جانە تالعامپازدىق رەسەپتورى بار كورىنەدى.

مەسسوپوتامي ايماعىندا قابىلداۋعا كەلگەن ادامدى دۇرىس ەمدەمەۋدىڭ سالدارىنان ەمدەلۋشىنىڭ كوزى كورمەي قالىپ، ۇزاماي ول قازا تابادى. وسى قاتەلىگى ءۇشىن دارىگەردىڭ كوزىن ويىپ الىپ، ارتىنان تۇرمەدە ولتىرگەن. قاتەلىك ءۇشىن جاسالعان قاتىگەزدىك...

ءسابي دۇنيەگە كەلگەن ساتتە وندا 300 سۇيەك بولاتىن كورىنەدى. ال ورتا جاسقا جەتكەن شاعىندا ونىڭ 206 سى عانا قالادى. دەنەدەگى نەرۆتىك يمپۋلستەر شامامەن العاندا، سەكۋندىنا 90 مەتر جىلدامدىقپەن سوعىپ تۇرادى.

ماتەريال وتاندىق جانە شەتەلدىك اقپارات كوزى بويىنشا دايىندالدى