«ادال ازامات» تۇجىرىمداماسى ازىرلەنىپ جاتىر

استانا. KAZINFORM - مادەنيەت جانە اقپارات مينيسترلىگى «ادال ازامات» تۇجىرىمداماسىنى جوباسىن ازىرلەپ جاتىر. بۇل جايىندا پرەمەر-ءمينيستردىڭ ورىنباسارى تامارا دۇيسەنوۆانىڭ سەنات دەپۋتاتتارىنىڭ ساۋالىنا بەرگەن جاۋابىندا ايتىلعان.

«مەملەكەت باسشىسى ۇلتتىق قۇرىلتايدىڭ ەكىنشى وتىرىسىندا «ادال ازامات» يدەياسىن ايتىپ، ەلىمىزدە جاڭا قوعامدىق ەتيكانى قالىپتاستىرۋ قاجەتتىگىن اتاپ ءوتتى. وسىعان بايلانىستى مادەنيەت جانە اقپارات مينيسترلىگى ماقساتى قازاقستاندىق ۇلتتىڭ جاڭا ساپاسىن قالىپتاستىرۋ بولاتىن «ادال ازامات» تۇجىرىمداماسىنىڭ جوباسىن ازىرلەۋدە. «ادال ازامات» پاتريوتيزم، ادىلدىك، كاسىپقويلىق، ۇنەمشىلدىك، ەڭبەكقورلىق، ءوز ەلى مەن وتباسى الدىنداعى جاۋاپكەرشىلىك سياقتى ەڭ اسىل قاسيەتتەردى دارىپتەيتىن بولادى»، - دەدى ۆيتسە-پرەمەر جاۋابىندا.

ونىڭ اتاپ وتۋىنشە، تۇجىرىمداما جوباسى قوعامداعى مىنەز-قۇلىق ەتيكاسىن قالىپتاستىرۋ، وتباسىلىق قۇندىلىقتاردى نىعايتۋ (زورلىق-زومبىلىققا مۇلدەم توزبەۋ)، ەڭبەكقورلىق پەن كاسىپقويلىق، جاستاردىڭ ەكولوگيالىق مادەنيەتى مەن پاتريوتتىق رۋحىن قالىپتاستىرۋ سياقتى مىندەتتەردى قامتيدى.

«قازىرگى ۋاقىتتا مينيسترلىك مۇددەلى مەملەكەتتىك ورگاندارمەن، قوعامدىق بىرلەستىكتەرمەن جانە ساراپشىلىق قوعامداستىقپەن بىرلەسىپ، تۇجىرىمدامانىڭ نەگىزگى باعىتتارىن ايقىنداپ، حالىقارالىق تاجىريبەنى جانە تاعى باسقاسىن زەردەلەۋدە»، - دەدى تامارا دۇيسەنوۆا.

اۆتور

مارلان جيەمباي