ابيبا ءابۋجاقىنوۆا - الەمدىك گران-پري جارىسىنىڭ چەمپيونى

استانا. KAZINFORM - قازاقستاندىق دزيۋدوشى ابيبا ءابۋجاقىنوۆا (48 كەلى) الەمدىك گران-پري جارىسىنىڭ فينالىندا كۇرەستى.

فينالدا قازاقستاندىق بالۋان جاپونيالىق ميزۋكي حارادامەن كەزدەستى.

بەلدەسۋ بارىسىندا ابيبا بەلسەندىلىك تانىتتى. ناتيجەسىندە قارسىلاسىنان 10:1 ەسەبىمەن باسىم ءتۇسىپ، گران-پري جارىسىنىڭ چەمپيونى اتاندى.

ول جارتىلاي فينالدا امبەر حەرسەستى (نيدەرلاندى)، ال شيرەك فينالدا سپرينگەر جاكليندى (اۆستريا) جەڭدى.

ابيبا ءابۋجاقىنوۆا 1997-جىلى دۇنيەگە كەلگەن. الەم چەمپيوناتىندا 2022، 2024-جىلدارى قولا الدى.

ال ازيا چەمپيوناتىندا 2021، 2022-جىلداردا كۇمىس مەدالعا قول جەتكىزدى.

2024-جىلعى پاريج وليمپياداسىندا بەسىنشى ورىنعا تۇراقتادى.

قازاقستان دزيۋدو فەدەراتسياسىنىڭ باسپا ءسوز قىزمەتىنەن ءمالىم ەتكەنىندەي، اتالعان دودادا الەمنىڭ 52 ەلىنەن 438 سپورتشى باق سىنايدى دەپ جوسپارلانعان.

گران-پري تۋرنيرىندە قازاقستان نامىسىن 16 تاتامي شەبەرى قورعاپ جاتىر.