اباي وبلىسىندا وزەن سۋى كوتەرىلىپ، كوپىردى قيراتىپ كەتتى

سەمەي. KAZINFORM - اباي وبلىسى اياگوز اۋدانىندا وزەن سۋى كوتەرىلىپ، كوپىردى قيراتىپ كەتتى.

قازىرگى ۋاقىتتا اياگوز اۋدانىنىڭ اكىمدىگى جەرگىلىكتى اۋقىمداعى توتەنشە جاعداي جاريالادى.

«جەرگىلىكتى ماڭىزى بار «اياگوز- بوزاي» جولىنىڭ 20 شاقىرىمىندا اياگوز وزەنىندەگى سۋ دەڭگەيىنىڭ كوتەرىلۋىنە بايلانىستى كوپىردىڭ جول توسەمى شايىلىپ، ءبىر بولىگى قيرادى. ازىرگە كولىك قاتىناسى توقتاتىلدى. سونىمەن قاتار باسقا اينالما كولىك جولدارى ارقىلى ەلدى مەكەنمەن بايلانىستى قالپىنا كەلتىرۋ جۇمىستارى جۇرگىزىلۋدە»، - دەپ حابارلادى ءوڭىر اكىمدىگىنەن.

پوليتسيا دەپارتامەنتىنىڭ قىزمەتكەرلەرى شەكتەۋ بەلگىلەرىن قويىپ، كەزەكشىلىك ۇيىمداستىردى.

«حالىقتى اياگوز وزەنى ارقىلى وتكىزۋ ءۇشىن ت ج د قىزمەتكەرلەرى جىبەرىلدى. ولار قاجەت بولعان جاعدايدا ءجۇزۋ قۇرالدارىنىڭ كومەگىمەن ازاماتتاردى وتكىزىپ وتىرادى»، - دەلىنگەن حابارلامادا.

اۆتور
تالعاتجان مۇحامەتبەك ۇلى