اباي وبلىسىندا تۇرمەدە وتىرعان ادام كوز جۇمدى
سەمەي. KAZINFORM - اباي وبلىسىندا تۇرمەدە جازاسىن وتەپ جاتقان ادامنىڭ قازا بولۋىنا قاتىستى قىلمىستىق ءىس قوزعالدى.
ازىرگە ەر ادامنىڭ ناقتى قالاي كوز جۇمعانى جايلى اقپارات جوق. پوليتسيا قىزمەتكەرلەرى تەرگەۋ امالدارىن جۇرگىزىپ جاتىر. بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتىنەن حابارلادى.
- قىلمىسقا قاتىستى كۇدىكتى ۇستالىپ، ۋاقىتشا ۇستاۋ يزولياتورىنا قاماۋعا الىندى. وقيعانىڭ بارلىق ءمان-جايىن جان-جاقتى جانە وبەكتيۆتى انىقتاۋعا باعىتتالعان قاجەتتى تەرگەۋ امالدارى جۇرگىزىلۋدە. باسقا اقپاراتتى جاريا ەتۋگە زاڭمەن تىيىم سالىنعان، - دەپ حابارلادى ۆەدومستۆو وكىلدەرى.
تەرگەۋ بارىسى پوليتسيا دەپارتامەنتى باسشىلىعىنىڭ ەرەكشە باقىلاۋىنا الىنعان.
ەسكە سالساق، وسىعان دەيىن وسكەمەن تۇرعىنىن ولتىرگەن ەر ادام قىلمىسىن جاسىرۋ ءۇشىن پاتەردى ورتەپ جىبەرگەنى جايلى جازعانبىز.
اۆتور
تالعاتجان مۇحامەتبەك ۇلى
