اباي وبلىسىندا مۇز استىنا ءتۇسىپ كەتكەن 5 جاسار بالا ىزدەستىرىلىپ جاتىر

  22-جەلتوقسان كۇنى 12:54 تە ءۇرجار پوليتسيا ءبولىمىنىڭ «102» ارناسىنا ۋچاسكەلىك پوليتسيا ينسپەكتورىنىڭ حابارلاماسى كەلىپ ءتۇستى، ول تاسكەسكەن اۋىلىندا بالالاردىڭ ءبىرى مۇز استىنا ءتۇسىپ كەتكەنىن حابارلادى.

بۇل تۋرالى Kazinform Polisia.kz سايتىنا سىلتەمە جاساپ حابارلايدى.

5 جاسار ەكى بالا اۋىلدىڭ شەتىندە ورنالاسقان قاراقول وزەنىندە تولىق قاتپاعان مۇز ۇستىندە ويناعان. مۇز جارىلىپ، بالالاردىڭ ءبىرى مۇزدىڭ استىنا ءتۇسىپ كەتكەن.

وسى ساتتە ەكىنشى بالا ەرەسەكتەرگە كومەك سۇراۋعا جۇگىردى. كۋاگەرلەر وزدەرىنىڭ ۋچاسكەلىك ينسپەكتورىنا قوڭىراۋ شالدى. ول دەرەۋ وقيعا ورنىنا بارىپ، قۇتقارۋشىلاردى شاقىردى.

بالانى ىزدەۋ جۇمىستارى جالعاسىپ جاتىر.

ايماقتاعى سۋ قويمالارىندا مۇزدىڭ قالىڭدىعى قازىر 3 س م- گە جەتپەيدى.