اباي وبلىسىندا 1300 دەن استام جۇرگىزۋشى قاۋىپسىزدىك بەلدىگىن تاقپاعانى ءۇشىن جازالاندى
استانا. KAZINFORM - كۇن سايىن جەدەل باسقارۋ ورتالىعىنىڭ بەينەكامەرالارى جول قوزعالىسى ەرەجەلەرىنىڭ بۇزىلۋىن تىركەيدى.
Polisia.kz-تىڭ مالىمەتىنشە ەڭ ءجيى انىقتالاتىن قۇقىق بۇزۋدىڭ ءبىرى - قاۋىپسىزدىك بەلدىگىن تاقپاي كولىك جۇرگىزۋ.
جىل باسىنان بەرى اباي وبلىسىندا وسى سەبەپپەن 1338 جۇرگىزۋشى اكىمشىلىك جاۋاپكەرشىلىككە تارتىلدى.
ستاتيستيكاعا سايكەس، بەلدىك تاققان جۇرگىزۋشىنىڭ امان قالۋ مۇمكىندىگى ەكى ەسە جوعارى. دەگەنمەن كوپتەگەن ازامات بۇل قاراپايىم ەرەجەنى ەلەمەي، ءومىرىن قاتەرگە تىگۋدە.
- ج ب و بەينەباقىلاۋ جۇيەسى ەرەجە بۇزۋشىلىقتاردى اۆتوماتتى تۇردە انىقتاپ، دەرەكتەردى جۇيەگە جىبەرەدى، سودان كەيىن جۇرگىزۋشىگە اكىمشىلىك ايىپپۇل سالىنادى. سونىمەن قاتار جولداردا پاترۋلدىك پوليتسيا ەكيپاجدارى قىزمەت اتقارىپ، جول قوزعالىسى ەرەجەلەرىنىڭ ساقتالۋىن تىكەلەي قاداعالاۋدا، - دەلىنگەن حابارلامادا.
ايتا كەتەلىك استانادا جۇك كولىگىن تىزگىندەگەن 2500 دەن استام جۇرگىزۋشى جازالاندى.
اۆتور
نازىم بولەسوۆا
