11:41, 15 - شىلدە 2025 | GMT +5
اباي وبلىسىن قولداۋ كەرەك - پرەمەر- مينيستر
استانا. KAZINFORM - ۇكىمەت وتىرىسىندا پرەمەر- مينيستر ولجاس بەكتەنوۆ اباي وبلىسىنىڭ 6 ايداعى كورسەتكىشتەرى ءماز ەمەس ەكەنىن ايتا كەلىپ، ءوڭىر اكىمى بەرىك ۋاليدەن ونىڭ سەبەبىن سۇرادى.
اكىم بايانداماسىنان كەيىن ۇكىمەت باسشىسى مينيسترلەردى اباي وبلىسىنا قولداۋ كورسەتۋدى تاپسىردى.
- ۇكىمەت مۇشەلەرىنە ايتاتىنىم، اباي وبلىسىن قولداۋ كەرەك. جاڭادان قۇرىلعان ءوڭىر. رەسپۋبليكالىق بيۋدجەتتەن جىبەرىلەتىن قاراجات كولەمى جەتكىلىكسىز. ونىڭ ءبارىن ەسكەرىپ، كوبەيتۋ كەرەك، قولداۋ كورسەتۋ كەرەك، - دەدى ولجاس بەكتەنوۆ.
بۇعان دەيىن اۋىل شارۋاشىلىعى ءمينيسترى ايداربەك ساپاروۆ ۇكىمەت وتىرىسىندا ەلدەگى ۆەتەريناريالىق ستانسالاردىڭ تەحنيكالىق جاعدايى قانشالىقتى مۇشكىل ەكەنىن باياندادى. ايتۋىنشا، اباي وبلىسىنداعى 10 اۋداننىڭ جەتەۋىندە ۆەتەريناريالىق ستانسا جوق.
