دەمالىس كۇندەرى اباي جانە جەتىسۋ وبلىستارى الماتىعا 350 توننادان استام ءونىم اكەلمەك

الماتى. قازاقپارات - 25-26-قازان، وسى دەمالىس كۇندەرى اباي جانە جەتىسۋ وبلىستارى الماتىعا 350 توننادان استام ءونىم اكەلەدى.

الماتى اكىمدىگىنىڭ مالىمەتىنشە، الداعى دەمالىس كۇندەرى ساعات 8.00-دەن 17.00-گە دەيىن كەڭەيتىلگەن اۋىلشارۋاشىلىق جارمەڭكەسى وتەدى. ەكى وبلىستىڭ فەرمەرلەرى قاتىسادى.

«ءونىمنىڭ جالپى كولەمى - 350 توننا. ونىڭ ىشىندە ەت ونىمدەرى - 80 توننا، جەمىس، كوكونىس ونىمدەرى - 120 توننا، ءسۇت ونىمدەرى - 50 توننا، بالىق ونىمدەرى - 5 توننا، باسقالارى - 95 توننا»، - دەپ حابارلادى اكىمدىكتىڭ باسپا ءسوز قىزمەتى.

اۋىلشارۋاشىلىعى جارمەڭكەسىن وتكىزۋگە بايلانىستى ساتبايەۆ كوشەسىنىڭ ءۋاليحانوۆ كوشەسىنەن دوستىق داڭعىلىنا دەيىنگى بولىگىندە 25-قازان ساعات 13:00-دەن 27-قازان 20:00-گە دەيىن جابىلادى.

بۇدان باسقا، №45، №95 جانە 121 اۆتوبۋستاردىڭ باعىتىنا وزگەرىستەر ەنگىزىلەدى. جابىلاتىن ۋچاسكەنى اينالىپ ءوتۋ اباي داڭعىلى بويىنشا جۇرگىزىلەتىن بولادى.

اۆتور
الما مۇقانوۆا