اۋا رايىنىڭ قولايسىزدىعىنا بايلانىستى ق ح ر تەمىرجول كولىگىمەن جۇك قابىلداۋدى توقتاتتى

  دوستىق (ق ر) جانە الاشاڭقاي (ق ح ر) ستانتسيالارىندا قالىپتاسقان اۋا رايىنىڭ قولايسىزدىعىنا بايلانىستى قازاقستاننان ق ح ر- عا جۇك قابىلداۋ باياۋلادى.

اتاپ ايتقاندا، قىتاي استىق تاسىمالداۋشىلاردى، استىق جۇكتەرى مەن ۇنتاق ونىمدەرى بار جابىق ۆاگونداردى، وسىمدىك مايى بار سيستەرنالاردى قابىلدامايدى. الاشاڭقاي ستانتسياسىندا تەرمينالداردىڭ جۇمىسى توقتاتىلدى، دەپ حابارلايدى Kazinform.

«قازاقستان تەمىر جولى» ۇ ك» ا ق باسپا ءسوز قىزمەتىنىڭ مالىمەتىنشە، جۇك جانە كونتەينەرلىك پويىزدار كۇتۋگە كوشكەن. 12-13- جەلتوقسان ارالىعىندا تۇندە پويىزداردى بەرۋ تولىعىمەن توقتاتىلدى، كۇندىز- پويىزداردىڭ ورتاشا تاۋلىكتىك الماسۋى 5 ەسەگە: 15 دەن 3 قۇرامعا دەيىن تومەندەدى.

وسىعان بايلانىستى ق ت ج اعىمداعى جىلدىڭ 25-جەلتوقسانىنا دەيىن دوستىق شەكارا وتكەلى ارقىلى كونتەينەرلەردە، استىق تاسىمالداۋشىلاردا، جابىق ۆاگونداردا استىق جۇكتەرىن جانە تسيستەرنالاردا وسىمدىك مايلارىن قابىلداۋعا تىيىم سالدى.

ق ت ج 12-جەلتوقساندا ق ح ر تەمىر جول وكىلدەرىمەن جۇكتەردى قابىلداۋدى قايتا باستاۋ تۋرالى شۇعىل كەڭەس وتكىزدى.