اۋا رايىنا بايلانىستى ەكى وبلىستا جول جابىلادى

استانا. KAZINFORM - قازاۆتوجول كولىك قوزعالىسىن شەكتەۋگە قاتىستى شۇعىل اقپارات جاريالادى.

بۇگىن، 8-قاراشادا ساعات 14:00-دە اۋا رايىنىڭ ناشارلاۋىنا (بوران، كوكتايعاق، كورىنۋ شەكتەۋلىگى) بايلانىستى كەلەسى رەسپۋبليكالىق اۆتوجولداردا كولىكتىڭ بارلىق ءتۇرىنىڭ قوزعالىسىنا شەكتەۋ قويىلادى:

اقمولا وبلىسى:

«استانا - شىدەرتى - پاۆلودار - ۋسپەنكا - ر ف شەك.» اۆتوجولىنىڭ 16-200-شاقىرىم ارالىعىنداعى ۋچاسكەسى (استانا قالاسىنان پاۆلودار وبلىسىنىڭ شەكاراسىنا دەيىن).

پاۆلودار وبلىسى:

«استانا - ەرەيمەنتاۋ - شىدەرتى» اۆتوجولىنىڭ 200-254-شاقىرىم ارالىعىنداعى ۋچاسكەسى (اقمولا وبلىسىنىڭ شەكاراسىنان شىدەرتى اۋىلىنا دەيىن) .

جولدى ەرتەڭ، 9-قاراشادا ساعات 08:00-دە اشۋ جوسپارلانعان.

1403 بايلانىس ورتالىعىنا حابارلاسىپ، تاۋلىك بويى قوسىمشا اقپارات الۋعا بولادى.

ايتا كەتەيىك، قازگيدرومەت 8-قاراشادا اۋا رايىنىڭ قولايسىزدىعىنا بايلانىستى ءبىرقاتار وڭىردە ەسكەرتۋ جاريالادى.