اۋا رايىنا بايلانىستى شىعىس قازاقستاندا جول جابىلدى

استانا. KAZINFORM - قازاۆتوجول شىعىس قازاقستان وبلىسىندا كولىك قوزعالىسىنا شەكتەۋ قويىلعانى تۋرالى شۇعىل اقپارات تاراتتى.

- 2026 -جىلعى 6 -قاڭتار ساعات 17:00-دە اۋا رايىنىڭ بۇزىلۋىنا بايلانىستى رەسپۋبليكالىق ماڭىزى بار «الماتى - تالدىقورعان - وسكەمەن - شەمونايحا - ر ف شەكاراسى» اۆتوجولىنىڭ 1194-1212 شاقىرىم ارالىعىنداعى ۋچاسكەسىندە (شەمونايحا قالاسىنان ر ف شەكاراسىنا دەيىن) جۇك جانە قوعامدىق كولىكتەردىڭ قوزعالىسىنا شەكتەۋ قويىلادى، - دەلىنگەن حابارلامادا.

جولدى 2026 -جىلعى 6 -قاڭتار ساعات 22:00-دە اشۋ جوسپارلانعان.

1403 بايلانىس ورتالىعىنا حابارلاسىپ، تاۋلىك بويى قوسىمشا اقپارات الۋعا بولادى.

ايتا كەتەيىك، 6 -قاڭتار ساعات 15:00-دە اۋا رايىنىڭ بۇزىلۋىنا بايلانىستى ءۇش وڭىردەگى رەسپۋبليكالىق ماڭىزى بار اۆتوجولداردا كولىكتىڭ بارلىق تۇرلەرىنە شەكتەۋ قويىلدى.

اۋا رايى بۇزىلىپ، پاۆلودار جانە اقمولا وبلىسىندا جول جابىلعان بولاتىن.