اۋا رايى قۇبىلىپ تۇر: 27-ماۋسىمدا دا جاڭبىر جاۋىپ، جەل كۇشەيەدى

استانا. قازاقپارات - 2025 -جىلعى 27-ماۋسىمعا ارنالعان قازاقستان اۋماعىنداعى سينوپتيكالىق جاعداي مەن قاۋىپتى اۋا رايى قۇبىلىستارى تۋرالى بولجامدى «قازگيدرومەت» ر م ك تاراتتى.

اتموسفەرالىق فرونتتار رەسپۋبليكا اۋماعىنىڭ باسىم بولىگىندە ءوز ىقپالىن ساقتاپ قالادى - نايزاعايلى جاڭبىر جاۋادى. ەلدىڭ باتىسىندا، سولتۇستىگىندە، شىعىسىندا جانە ورتالىعىندا نوسەر جاڭبىر جاۋىپ، كەي جەرلەردە بۇرشاق جاۋۋى مۇمكىن. رەسپۋبليكانىڭ كوپتەگەن وڭىرلەرىندە جەل كۇشەيەدى، ال وڭتۇستىكتە شاڭدى داۋىلدار كۇتىلەدى.

اباي وبلىسىنىڭ ورتالىعىندا، الماتى وبلىسىنىڭ وڭتۇستىگى مەن شىعىسىندا، اقمولا وبلىسىنىڭ سولتۇستىك- باتىسىندا، جامبىل وبلىسىنىڭ وڭتۇستىگى مەن سولتۇستىگىندە، باتىس قازاقستان وبلىسىنىڭ باتىسى مەن شىعىسىندا، سولتۇستىك قازاقستان وبلىسىنىڭ وڭتۇستىگىندە، اتىراۋ وبلىسىندا، ماڭعىستاۋ وبلىسىنىڭ سولتۇستىك-باتىسى مەن ورتالىعىندا، شىعىس قازاقستان وبلىسىنىڭ سولتۇستىگىندە جوعارى ءورت قاۋپى ساقتالادى.

توتەنشە ءورت قاۋپى جامبىل، قىزىلوردا، تۇركىستان وبلىستارىندا، الماتى وبلىسىنىڭ سولتۇستىگى مەن باتىسىندا، قاراعاندى وبلىسىنىڭ باتىسى، شىعىسى جانە وڭتۇستىگىندە، اقتوبە وبلىسىنىڭ باتىسى مەن ورتالىعىندا، قوستاناي وبلىسىنىڭ سولتۇستىگى مەن وڭتۇستىگىندە، شىعىس قازاقستان وبلىسىنىڭ وڭتۇستىك-شىعىسىندا، ۇلىتاۋ وبلىسىنىڭ باتىسى مەن وڭتۇستىگىندە، جەتىسۋ وبلىسىنىڭ سولتۇستىگى، وڭتۇستىك-شىعىسى جانە ورتالىعىندا، اباي وبلىسىنىڭ باتىسى مەن وڭتۇستىگىندە كۇتىلەدى.