ا س سالۋ سۋ تاپشىلىعىن ارتتىرا تۇسپەي مە

قازاقستاننىڭ ەنەرگيامەن جابدىقتاۋ ۇيىمدارى قاۋىمداستىعىنىڭ ءتوراعاسى سەرگەي اگافونوۆ اەس قۇرلىسىنىڭ بالقاش كولى ەكولوگياسىنا اسەرىنە قاتىستى پىكىر ءبىلدىردى، دەپ حابارلايدى Kazinform.

«ەڭ الدىمەن سۋ ماسەلەسى الاڭداتىپ وتىر. ا ە س پەن بالقاش اراسىندا سۋ الماسۋ جۇرمەيدى. بالقاشتان سۋ تولىقتىرىلىپ وتىرادى. بۇل - ءبىرجاقتى پروتسەسس. مۇنارا ارقالىقتى قاجەتتى كولەممەن قامتاماسىز ەتۋ ءۇشىن بالقاشتان وقتىن- وقتىن سۋ الىنادى. الىناتىن كولەم بالقاش سۋىنىڭ تابيعي بۋلاناتىن مولشەرىنىڭ شامامەن 0,5 پايىزى عانا. بۇل وتە از. ياعني، مۇنارا ارقالىقتى تولتىرۋ ءۇشىن 1 جىلدا بۋلاناتىن سۋدىڭ جارتى پايىزى عانا قاجەت»، - دەدى ول اتوم ەنەرگەتيكاسىن دامىتۋ ماسەلەلەرىنە ارنالعان بيزنەس- فورۋم اياسىندا.

وسى ورايدا ساراپشى اگەنتتىك ءتىلشىسىنىڭ «0,5 پايىز ەلىمىزدەگى سۋ تاپشىلىعىن جەدەلدەتۋى مۇمكىن بە؟» دەگەن ساۋالىنا جاۋاپ بەردى.

«مەنىڭشە، جوق. بالقاشتا ا ە س سالۋ ۇلكەن سۋدىڭ بولۋىمەن بايلانىستى دەۋ اڭىز. ا ە س- كە سۋ قاجەت. ءبىراق ونىڭ مولشەرى كەز كەلگەن وزگە ستانسالارمەن بىردەي. ءاربىر سۋ ەلەكتر ستانساسىنىڭ سۋ قويماسى بار. ال ا ە س- كە مۇنداي سۋ قويماسى ارتىعىمەن جەتەدى. ءتىپتى، ونىڭ قاجەتى دە شامالى. سەبەبى تەحنولوگيا مۇلدەم باسقا»، - دەدى سەرگەي اگافونوۆ.

اۆتور

مارلان جيەمباي