ا ە س قۇرىلىسى بويىنشا قانداي ماماندار ازىرلەنەدى - مينيستر جاۋابى
استانا. KAZINFORM - اتوم ەلەكتر ستانسياسىن سالۋ جوباسى بويىنشا 2030 -جىلعا قاراي 5 مىڭعا جۋىق ادام، 2032 -جىلى - قۇرىلىستىڭ شارىقتاۋ كەزىندە 10 مىڭعا جۋىق ادام جۇمىسپەن قامتىلادى. بۇل تۋرالى ەنەرگەتيكا ءمينيسترى الماسادام ساتقاليەۆ ايتىپ بەردى.
ال ا ە س- ءتى پايدالانۋ كەزەڭىندە كەمىندە 2000 ازامات جۇمىسقا ورنالاسا الادى.
- ا ە س قۇرىلىسىن قولداۋ ءۇشىن وتاندىق كوللەدجدەر ا ە س- قا ارنالعان ماماندىقتاردى دايىندايتىن بولادى (دوزيمەتريست، گازتۋربينا سلەسارى، ا ە س جابدىقتاردى جوندەۋ مامانى، اەس اقپارات تەحنولوگيالار بويىنشا مامانى جانە ت. ب.). مينيسترلىكتىڭ باعىنىستاعى ۇيىمدارى - ۇلتتىق يادرولىق ورتالىعى مەن يادرولىق فيزيكا ينستيتۋتى ەلەكترتەحنيكا كوللەدجدەرىمەن تىعىز ىنتىماقتاستىقتا جانە يادرولىق ماماندىقتار بويىنشا كوللەدج ستۋدەنتتەرىنىڭ وندىرىستىك تاجىريبە وتكىزۋ بازاسى بولادى، - دەدى ا. ساتقاليەۆ ۇكىمەت وتىرىسىندا.
وسى جاڭا جوبالاردان بولەك، 2025-2029 -جىلدارى وتىن-ەنەرگەتيكا كەشەنىندە جۇمىس ىستەپ تۇرعان كاسىپورىندار قوسىمشا 16 مىڭعا جۋىق جۇمىسكەردى قاجەت ەتەدى. بۇگىنگى تاڭدا جۇمىسشى ماماندىقتاردىڭ 43 كاسىبي ستاندارتى جاڭارتىلدى، جاڭا ماماندىقتار مەن بىلىكتىلىك بەلگىلەندى.
- بيىل ەنەرگەتيكا سالاسىندا جاڭا ماماندىقتاردىڭ 4 كاسىبي ستاندارتى ازىرلەنەدى جانە اتوم ونەركاسىبىن قوسا العاندا، 29 كاسىبي ستاندارت جاڭارتىلادى. وقۋ-اعارتۋ مينيسترلىگىمەن بىرلەسىپ، 61 ج و و مەن 200 استام كوللەدجدى قامتيتىن وتىن- ەنەرگەتيكا كەشەنى سالاسىنىڭ ماماندارىن دايارلاۋ جۇمىستارى اتقارىلىپ جاتىر، - دەدى ول.
ەنەرگەتيكا ءۇشىن 40 جوعارى وقۋ ورنى مەن 215 كوللەدج كادر دايىندايدى. وندا ەلەكتر، جىلۋ جانە جاڭارتىلاتىن ەنەرگەتيكا سالالارىنىڭ 7 ماماندىعى بويىنشا 19 مىڭعا جۋىق ستۋدەنت ءبىلىم الىپ جاتىر.
- جاڭا ەلەكتر ەنەرگياسىن ءوندىرۋ نىساندارىنىڭ سالىنۋىن، تۇتىنۋدىڭ بەلسەندى ءوسۋىن جانە ەكونوميكالىق دامۋىن ەسكەرە وتىرىپ، 2030 -جىلعا قاراي تەك ەنەرگەتيكا سالاسىندا 20 مىڭنان استام ماماندارعا قاجەتتىلىك بولادى، - دەدى مينيستر.
بۇعان دەيىن الماسادام ساتقاليەۆ قازاقستاندا ەنەرگەتيكتەردىڭ جالاقىسى جىل سايىن %15 ءوسىپ وتىراتىنىن حابارلاعان ەدى.
سونداي-اق، جۇمىسشى كادرلارعا ارنالعان يپوتەكالىق باعدارلامانى ىسكە قوسۋ تاپسىرىلدى.
الداعى 5 جىلدا وتىن-ەنەرگەتيكا سالاسىندا 83 مىڭنان استام جۇمىس ورنى قۇرىلادى.
ايجان سەرىكجان قىزى
اۆتور
