ا ە س بويىنشا رەفەرەندۋم: قانشا ۋچاسكە جۇمىسى تاڭعى ساعات 06:00 دە باستالادى
استانا. KAZINFORM – ا ە س قۇرىلىسىنا قاتىستى رەسپۋبليكالىق رەفەرەندۋم كۇنىندە ەلىمىزدە 84 داۋىس بەرۋ ۋچاسكەسى جۇمىسىن تاڭعى ساعات 06:00 دە باستايدى.
بۇل تۋرالى ورتالىق رەفەرەندۋم كوميسسياسى ءتوراعاسىنىڭ ورىنباسارى كونستانتين پەتروۆ ايتتى.
«ەلىمىز بويىنشا مۇنداي 84 ۋچاسكە بار. ولار: اسكەري بولىمدەر، ۆاحتالىق ەلدى مەكەندەر مەن اۋىسىم كەستەمەن جۇمىس ىستەيتىن ادامدار تۇراتىن بىرنەشە ۋچاسكە. ەگەر اۋىسىم تاڭعى ساعات 07:00 دە باستالسا، وندا قازاقستاندىقتار تاڭەرتەڭگى 06:00 دەن داۋىس بەرە الادى»، - دەدى ول.
ونىڭ دەرەگىنشە، مۇنداي ۋچاسكەلەردىڭ كوپشىلىگى قاراعاندى مەن اباي وبلىستارىندا، سونىمەن قاتار الماتى قالاسىندا، ال ۆاحتالىق ەلدى مەكەندەر اقتوبە مەن ماڭعىستاۋ وبلىستارىندا ورنالاسقان.
ايتا كەتەيىك، 6-قازاندا وتەتىن رەفەرەندۋمدا داۋىس بەرۋگە ارنالعان 10323 ۋچاسكە جۇمىس ىستەيدى. ونىڭ ىشىندە 59 شەتەلدەگى مەكەمەلەر جانىنان اشىلعان 74 رەفەرەندۋم ۋچاسكەسى بار.
بۇعان دەيىن يزرايل، يران جانە ليۆانداعى رەفەرەندۋم ۋچاسكەلەرى جۇمىسىن توقتاتقانىن، بۇل ەلدەگى 238 وتانداسىمىز داۋىس بەرمەيتىندىگىن جازعان ەدىك.
