ا ق ش ۆيزاسىن بەرۋدى جەڭىلدەتۋگە مۇددەلىمىز - ەلشى
ورتالىق ازيادا قازاقستان ازاماتتارىنا عانا ا ق ش- تىڭ 10 جىلدىق ميگراتسيالىق ەمەس ۆيزاسى بەرىلەدى.
بۇل تۋرالى قازاقستانداعى ا ق ش ەلشىسى دەنيەل روزەنبليۋم جۋرناليستەرمەن وتكەن دوڭگەلەك ۇستەلدە ايتتى، دەپ حابارلايدى قازاقپارات ءتىلشىسى.
تىلشىلەرگە بەرگەن جاۋابىندا ا ق ش ەلشىسى ۆيزا جونىندە سۇراقتار ءجيى قويىلاتىنىن، ا ق ش ازاماتتارىنىڭ دا قازاقستانعا ءجيى كەلۋىن قالايتىنىن، سوندىقتان راسىمدەردى جەڭىلدەتۋگە مۇددەلى ەكەنىن ايتتى.
«قازاقستان – ا ق ش- تىڭ 10 جىلعا دەيىنگى يمميگراتسيالىق ەمەس ۆيزاسى بەرىلەتىن ورتالىق ازياداعى جالعىز ەل. بۇل ءبىزدىڭ قارىم-قاتىناستىڭ قانداي جوعارى ەكەنىن كورسەتەدى. دەگەنمەن، ا ق ش- تىڭ ورىندالۋى مىندەتتى ەرەجەلەرى مەن زاڭدارى بار. جانە ەڭ باستىسى - ۆيزانى باسقا ماقساتتا قولدانعىسى كەلەتىن ادامدارعا مۇمكىندىك بەرمەۋ. سول ءۇشىن دە ۆيزا بەرەردە سۇحباتتاسۋ، قۇجات تەكسەرۋ سەكىلدى تاجىريبەلەر بار»، - دەيدى د. روزەنبليۋم.
سونىمەن بىرگە، ەلشى بۇل پروتسەستەردى جەڭىلدەتۋگە تىرىسقانىن، دالىرەك ايتقاندا بارىنشا ءتيىمدى ءارى ءوتىنىش بەرۋشىلەر ۇزاق كۇتپەيتىندەي ۇيىمداستىرعانىن اتاپ ءوتتى.
«پاندەميا كەزىندە قوردالانىپ قالعان وتىنىمدەردى ىرىكتەۋدى تابىستى جۇرگىزدىك دەپ ويلايمىن، قازىر كۇتۋ ۋاقىتى ايتارلىقتاي قىسقارعان. مەنىڭ تۇسىنۋىمشە، قازىر ا ق ش- قا بارعان، ا ق ش- قا ۆيزا العان ادامدار ءۇشىن ۆيزاعا قايتا ءوتىنىم بەرگەندە سۇحباتتان باس تارتۋدى سۇراۋ مۇمكىندىگى بار. وسىنداي دا نۇسقا بار، ءبىراق بۇل ستاندارتتى تاجىريبە ەمەس»، - دەيدى ا ق ش ەلشىسى.
بۇعان دەيىن دەنيەل روزەنبليۋم ا ق ش پرەزيدەنتى دجو بايدەننىڭ ورتالىق ازياعا ساپارى جونىندە سۇراقتارعا جاۋاپ بەردى.
سونداي-اق، ا ق ش ەلشىسى شەت ەلدەن اقشا الاتىن قازاقستاندىقتاردىڭ تىزىمىنە قاتىستى پىكىر ءبىلدىردى.
