ا ق ش يراننىڭ يادرولىق نىساندارىنا سوققى جاسادى - ترامپ وپەراتسيانى ءساتتى دەپ اتادى
استانا. KAZINFORM - ا ق ش پرەزيدەنتى دونالد ترامپ يراننىڭ يادرولىق ينفراقۇرىلىمىنا قارسى جۇرگىزىلگەن «وتە ءساتتى» اسكەري وپەراتسيا تۋرالى مالىمدەدى، دەپ حابارلادى Kazinform اگەنتتىگىنىڭ مەنشىكتى ءتىلشىسى.
امەريكالىق ااك (اسكەري-اۋە كۇشتەرى) يران يادرولىق باعدارلاماسىنىڭ ءۇش نەگىزگى نىسانىنا - فوردو، ناتانز جانە يسفاحانعا سوققى جاساعان. ترامپتىڭ ايتۋىنشا، نەگىزگى نىسانا رەتىندە تاۋ استىندا تەرەڭ ورنالاسقان فوردو كەشەنى تاڭدالعان.
- تولىق وق-ءدارى قورى نەگىزگى نىسانا - فوردوعا تاستالدى، - دەپ جازدى اق ءۇي باسشىسى Truth Social جەلىسىندەگى پاراقشاسىندا.
«بارلىق ۇشاقتار يران اۋە كەڭىستىگىن تاستاپ شىعىپ، ءساتتى تۇردە ءوز بازالارىنا قايتىپ بارا جاتىر. امەريكالىق ۇلى جاۋىنگەرلەرىمىزدى قۇتتىقتايمىن. مۇنداي وپەراتسيانى الەمدە ەشبىر ارميا ورىنداي الماس ەدى. ەندى بەيبىتشىلىك ۋاقىتى كەلدى»، - دەلىنگەن جازابادا.
ترامپ اق ۇيدەن ارنايى تەلەۇندەۋ جاسايتىنىن جاريالادى، ول جەرگىلىكتى ۋاقىتپەن ساعات 22:00-دە (ۆاشينگتون ۋاقىتى) ەفيرگە شىعۋى ءتيىس.
Truth Social-داعى جازباسىندا ول بىلاي دەپ قوستى:
- بۇل - ا ق ش، يزرايل جانە بۇكىل الەم ءۇشىن تاريحي ءسات. يران ەندى بۇل سوعىستى توقتاتۋعا كەلىسۋى كەرەك.
Reuters اگەنتتىگىنىڭ دەرەكتەرىنە سۇيەنسەك، وپەراتسياعا B-2 Spirit ستراتەگيالىق بومبالاۋشى ۇشاقتارى قاتىسقان. ولار جەر استىنداعى نىعايتىلعان نىسانداردى جويۋعا ارنالعان وتە قۋاتتى بومبالاردى تاسىمالداي الادى. شابۋىلعا دەيىن بىرنەشە ساعات بۇرىن ولاردىڭ باعىتى اشىق دەرەككوزدەر ارقىلى باقىلانعان - ۇشاقتار ا ق ش- تان گۋام ارالىنداعى بازاعا قاراي ۇشقان.
Axios باسىلىمى جوعارى لاۋازىمدى يزرايلدىك دەرەككوزگە سىلتەمە جاساپ، يزرايل ا ق ش- تىڭ سوققىسى تۋرالى الدىن الا حاباردار بولعانىن جازدى. الايدا يزرايل ااك بۇل وپەراتسياعا قاتىسقانى رەسمي تۇردە راستالعان جوق. ۆاشينگتونداعى دەرەككوزدەردىڭ ايتۋىنشا، بۇل اۆياتسيالىق شابۋىل يزرايل مەن يران اراسىنداعى ءبىر اپتادان استام ۋاقىت بويى جالعاسىپ جاتقان اسكەري قاقتىعىستىڭ اۋقىمىن ەداۋىر كەڭەيتىپ وتىر.
ترامپ ءوز سوزىندە تاعى دا اتاپ ءوتتى:
«فوردو جويىلدى».
فوردو كەشەنى يراننىڭ يادرولىق باعدارلاماسىنداعى ەڭ قورعالعان نىسان سانالادى. ونىڭ جويىلۋى وڭىردەگى اسكەري ءارى ديپلوماتيالىق تەكەتىرەستە بەتبۇرىس كەزەڭى بولۋى مۇمكىن.
ايتا كەتەيىك، يزرايل بۇعان دەيىن ءوز اسكەري ناۋقانىنىڭ باستى ماقساتى رەتىندە يراننىڭ يادرولىق قارۋ جاساۋ مۇمكىندىگىن تولىق جويۋدى اتاعان بولاتىن. ال يران بيلىگى ءوز يادرولىق باعدارلاماسىنىڭ تەك بەيبىت ماقساتتى كوزدەيتىنىن ايتىپ كەلەدى.
باتىس ەلدەرى تاراپىنان جۇرگىزىلگەن ديپلوماتيالىق كەلىسسوزدەر ازىرگە ناتيجە بەرگەن جوق.
الداعى ساعاتتاردا يران بيلىگى تاراپىنان رەسمي مالىمدەمە جاسالىپ، شابۋىلدىڭ ساياسي جانە اسكەري سالدارىنا قاتىستى ناقتى اقپاراتتار جاريالانادى دەپ كۇتىلۋدە.
سونداي-اق بۇعان دەيىن ەۋروپا ديپلوماتتارىنىڭ يران س ءى م باسشىسىمەن وتكەن كەزدەسۋىنەن ناتيجە شىقپاعانى حابارلانعان ەدى.
قوسىمشا ايتا كەتسەك، پاكىستان پرەزيدەنتى دونالد ترامپتى 2026 -جىلعى نوبەل بەيبىتشىلىك سىيلىعىنا ۇسىنعان.
