ا ق ش يران مۇنايىنا جاڭا شەكتەۋلەر ەنگىزدى

استانا. KAZINFORM - ا ق ش سانكسيالىق تىزىمىنە «كولەڭكەلى فلوتتىڭ» بىرنەشە تانكەرى مەن جۇزدەگەن ميلليون دوللارعا يران مۇنايىن ساتىپ العان قىتايلىق مۇناي وڭدەۋ زاۋىتىن قوستى، دەپ حابارلايدى BBC.

BBC مالىمەتىنشە، ترامپ يراندى يادرولىق جانە زىمىراندىق باعدارلامالارىن قىسقارتۋ بويىنشا كەلىسسوزدەرگە ماجبۇرلەۋگە تىرىسىپ جاتىر. جاقىندا ول ەلدىڭ جوعارعى كوشباسشىسى اياتوللا ءالي حامەنەيگە حات جولداپ، باس تارتقان جاعدايدا اسكەري ارالاسۋ بولاتىنىن ەسكەرتتى. الايدا ازىرگە جاۋاپ كەلمەدى.

سونىمەن قاتار، ترامپ تاياۋ شىعىستاعى يراننىڭ «قارسىلاسۋ ءوسىنىڭ» نەگىزگى بولىگى سانالاتىن يەمەندىك حۋسيتتەرگە سوققى جاساۋعا بۇيرىق بەردى.

بۇعان دەيىن ا ق ش يران مۇنايىنىڭ قىتايعا جەتكىزىلۋىنە قارسى سانكسيالار ەنگىزگەنى حابارلانعان ەدى.

سونداي-اق، بيىل اقپاندا اق ش يرانعا قارسى جاڭا سانكسيالار جاريالادى.

يران ترامپقا يادرولىق قارۋ ماسەلەسى بويىنشا كەلىسسوزدەر جۇرگىزۋدەن باس تارتقان ەدى.