ا ق ش- تىڭ يەمەنگە اۋە سوققىلارى: حۋسيتتەر 53 ادامنىڭ قازا تابۋىنان كەيىن شيەلەنىستىڭ ۋشىعاتىنىن ەسكەرتتى
استانا. KAZINFORM - حۋسيتتەر دەنساۋلىق ساقتاۋ مينيسترلىگىنىڭ مالىمەتىنشە، سەنبى كۇنى ا ق ش- تىڭ يەمەنگە بىرنەشە اۋە سوققىسىنان كەيىن 53 ادام قازا تاۋىپ، 98 ادام جاراقات الدى، دەپ حابارلايدى NBC News.
توپ ەل استاناسى سانا مەن ساۋد ارابياسىمەن شەكارالاس سااد قالاسىندا جارىلىس بولعانىن حابارلادى.
حۋسيتتەر وكىلى ناسر اد-دين امەردىڭ جەكسەنبى كۇنى جاساعان مالىمدەمەسىنە سايكەس، اۋە شابۋىلى قۇرباندارىنىڭ كوپشىلىگى ايەلدەر مەن بالالار.
امەر حۋسيتتەر وپەراتسيالارىن «گازاداعى بلوكادا جويىلمايىنشا جالعاستىرادى. جاقىندا بولعان شيەلەنىستىڭ كۇشەيۋىنە ءبىز ودان ءارى شيەلەنىسپەن جاۋاپ بەرەمىز» دەپ مالىمدەدى.
اۋە شابۋىلى حۋسيتتەر يزرايل كەمەلەرىنە شابۋىلدارىن قايتا باستايتىندارىن ايتقان سوڭ بىرنەشە كۇن وتكەن سوڭ جاسالدى.
جەكسەنبى كۇنى دونالد ترامپ حۋسيتتەرگە ەسكەرتۋ جاسادى.
- بۇگىن مەن ا ق ش قارۋلى كۇشتەرىنە يەمەندەگى حۋسيت-تەرروريستەرگە قارسى باتىل ءارى قۋاتتى اسكەري ارەكەتتەردى باستاۋدى بۇيىردىم. سىزدەردىڭ شابۋىلدارىڭىز بۇگىننەن باستاپ توقتاۋى ءتيىس. ەگەر بۇلاي جاساماساڭىزدار، سىزدەر بۇرىن-سوڭدى كورمەگەن توزاققا تاپ بولاسىزدار، - دەپ جازدى دونالد ترامپ Truth Social-دا.
ترامپ سونداي-اق يراندى حۋسيت لاڭكەستەرىن قولداماۋ تۋرالى ەسكەرتتى، ايتپەسە امەريكا ولاردى تولىعىمەن جاۋاپقا تارتاتىن بولادى.
بۇعان دەيىن ا ق ش پرەزيدەنتى دونالد ترامپ امەريكالىق قارۋلى كۇشتەرگە يەمەندىك كوتەرىلىسشى حۋسيەتتەرگە قارسى قۋاتتى سوققى بەرۋدى تاپسىرعانىن جازعان بولاتىنبىز.
