ا ق ش- تىڭ مەملەكەتتىك قارىزى 37 تريلليون دوللاردان استى
استانا. KAZINFORM - ا ق ش- تىڭ مەملەكەتتىك قارىزى 37 تريلليون دوللاردان استى، بۇل امەريكاعا «ءىس جۇزىندە» بانكروتتىق قاۋپىن ءتوندىرىپ وتىر، دەپ حابارلايدى Yahoo Finance.
ميللياردەر كاسىپكەر يلون ماسك ا ق ش- تىڭ قارجىلىق بولاشاعىنا قاتىستى تاعى الاڭداۋشىلىق ءبىلدىرىپ، فەدەرالدىق قارىز بويىنشا پايىزدىق مولشەرلەمەلەردىڭ تۇراقسىز دەڭگەيگە كوتەرىلۋىنىڭ اۋىر سالدارى تۋرالى ەسكەرتتى.
ماسك X- تەگى جازباسىندا قۇراما شتاتتاردىڭ فەدەرالدىق قارىزى 37 تريلليون دوللاردان اسۋى سەبەبىمەن «ءىس جۇزىندەگى بانكروتتىق» شەگىندە تۇرعانىن، ال وسى قارىز بويىنشا پايىزدىق تولەمدەر قازىر بارلىق سالىق تۇسىمدەرىنىڭ 25 پايىزىن قۇرايتىنىن ەسكەرتتى.
ماسكتىڭ ايتۋىنشا، «ەگەر بۇل جالعاسا بەرسە» بارلىق سالىق تۇسىمدەرى سايىپ كەلگەندە مەملەكەتتىك قارىزعا قىزمەت كورسەتۋگە جۇمسالاتىنىن جانە «باسقا ەشتەڭەگە ەشتەڭە قالمايدى».
وسىلايشا، ا ق ش ۇكىمەتىنىڭ جالپى كىرىسىندەگى 5 تريلليون دوللاردىڭ پايىزدىق تولەمدەرى قازىرگى كەزدە 1,2 تريلليون دوللاردى قۇراپ وتىر، ال ۇكىمەت جىل سايىن 7 تريلليون دوللار جۇمساۋدى جالعاستىرىپ كەلەدى، بۇل ۇنەمى ءوسىپ كەلە جاتقان تاپشىلىققا اكەلىپ وتىر.
ەكونوميست پيتەر شيفف ماسكتىڭ جازباسىنا ا ق ش- تىڭ قازىردىڭ وزىندە بانكروتقا ۇشىراعانىن جانە «بۇل ءبىزدىڭ كرەديتورلارىمىزعا انىق بولعانشا ۋاقىت ماسەلەسى» دەپ جاۋاپ بەردى. ودان كەيىن شيفف «پايىزدىق مولشەرلەمەلەر جوعارىلايتىنى سونشا»، قارىزعا قىزمەت كورسەتۋ شىعىندارى جالپى سالىق تۇسىمىنەن اسىپ تۇسەتىنىن ەسكەرتتى.
بۇعان دەيىن يلون ماسك X الەۋمەتتىك جەلىسىندە رەسپۋبليكاشىلداردىڭ زاڭ جوباسىن قاتال سىنعا العانىن جازعان بولاتىنبىز.
